1444 – apurement de compte de la châtellenie de Moncontour

Apurement que rendit Noël Le Mintier autrefois receveur de Moncontour, d’un compte (n’existant plus) fait et conclu à Vannes le 21 février 1444 (n.s.). Cet apurement fut conclu à Redon le 10 juillet 1446. Ce document comporte 24.feuillets de parchemin dont 23 sont écrits (il existe une erreur de numérotation, celle-ci passant de 4 à 6) et la pagination est d’époque (A.D.22, 1 E-625-a ou 625/2).

« L’appurement que rend Noel Le Mintier aultreffoiz recepveur de Moncontour, d’un compte que fist a Vennes, qui fut conclut le 21ème jour de febvrier l’an mil quatre cenz quarente et troys. Et premier :

Receptes (non marqué dans le texte)

§ – « Se charge ledit Noel, du rest en quoy demoura a son dit compte et en monte la somme :
Par frument mesure de Moncontour et dont il se charge a present et pour ce : 25 tonneaulx 5 perrees 3 quars demi quart.

Et par seigle ditte mesure de Moncontour : 9 tonneaulx 6 perrees quart demi quart.

Et par frument mesure de Lamballe : 15 perrees.

Et par frument mesure de Saint Brieuc : 15 justes et demie.

Et par seigle dicte mesure : 4 justes et demie et 2 tiers.

Et par avoine mesure de Moncontour : une perree.

§ – « Item, se charge du depport en quoy il fut mis, qui monte :

Par or : 77 escuz et demi.

Et par monnoye : 540 livres 10 sous 11 deniers 2 tiers de denier.

Et par frument mesure de Lamballe : 56 perrees et demie.

Et par frument mesure de Saint Brieuc : 6 justes tiers de bouexel.

Seiglle dudit lieu de Saint Brieuc : 2 justes et demie.

(en marge pour les deux articles : « Appure au compte dudit Le Mintier fait le 21ème jour de fevrier l’an mil 4 C 43. Et a la deducion dicelui. »). (f°1°)

Et par frument mesure de Moncontour : une perree.

Et seigle dudit lieu : une perree quart.
(en marge : « Appure comme devant »).

§ – « Cy ensuyt responses des injunctions qui lui furent faictes a sondit compte. Et premier :

* « Touchant l’injunction qui lui fut faicte de rendre le minu des taulx et amendes de la court de Moncontour des ans mill 4 C 40, 41 et 42. Combien que ayt rendu relacion de appurement et de ce que lesdiz taulx ont vallu a cler sellon lesdites relacions des seneschaulx dudit lieu chacun de son temps.
Il ne compta pour l’an 40 que de 121 livres 12 sous 6 deniers. Et le minu qu’il en rend appure monte 123 livres 16 sous 4 deniers ; ainsi compta pou (peu) et dont est recharge de 43 sous 10 deniers.
Item, pour l’an 41, ne compta que de 138 livres 10 sous. Et le minu appure monte 125 livres 14 sous 8 deniers. Ainsi est recharge dont compta pou : 7 livres 4 sous 8 deniers.
Item, pour l’an 42, ne compta que de 131 livres. Et le minu qu’il en rend appure monte 144 livres 16 sous 8 deniers. Ainsi est recharge dont compta pou : 13 livres 16 sous 8 deniers.
(en marge : « Il appert a present minuz et appuremens des ans 40, 41 et 42 »).

* « Touchant l’injunction lui fut faicte de rendre les minuz de la vente des boays revenans des forestz de Moncontour et Cassebret avecques des taulx et panages diceulx boys. C’est assavoir du mynu de l’an mill 4 C 38 et mynuz et appuremens de l’an mil 4 C 39 et 40.
(en marge : « Nota : Il rend minu des ventes de l’an 39, signe par Guillaume Galon heritier de Rollant de Carne vendeur desdiz boais, qui monte 36 livres 10 deniers. Et reste a rendre le minu des taux et pasnages diceulx boais pour ledit an 39. Et aussi le minu des ventes de l’an 38 que lui est enjoint faire a son prochain compte.
Item, rend minu des ventes de l’an 40, signe par ledit Galon, qui monte 28 livres 15 sous 4 deniers. Et reste a rendre minu des ventes de l’an 41, signe par ledit Galon, qui monte 25 livres 15 sous. Et reste a rendre minu des taux et pasnages que lui est enjoint etc… (sic).
Item, rend minu des ventes de l’an 41, signe par ledit Galon, qui monte 25 livres 15 sous. Et reste a rendre minu des taux et pasnages qui lui est enjoint etc… Et en fut charge de 40 livres pour ventes pour celui an 41.
Item, rend minu des ventes de l’an 42, qui monte 24 livres 13 sous 2 deniers. Reste a rendre minu des taux et pasnages de celui an et en fut charge de 40 livres.
Et pour ce que lesdiz minuz des ventes ne semblent pas valables ne en forme deue, lui ont este renduz pour les rendre en forme valable a son prochain compte a peine de l’amende et d’estre charge des choses cy dessur raportees dont il n’appert pas au plus hault pris que l’en trouvera par les precedens qu’ilz ont acoustume valoir »). (f°2)

Et pareillement des ans mill 4 C 41 et 42.
(en marge « Respondu devant »).

* « Touchant l’injunction faicte a ce recepveur de faire convenir par adiournement Henri de Giraust, Guillaume Gourdel et Allain Huet, il les a fait adiourner a ce present appurement pour y estre procede a l’esgart de vous messeigneurs les gens des comptes.
Ilz sont sergens feodez. Et dit ce receveur que ladite injuncion si est par ce qu’ilz doivent respondre chacun an au dit receveur, de 103 sous de rente oultre les sommes dont ilz lui respondent a present. Ainsi que plus aplain est fait mencion en un aultre compte de ce receveur fait en l’an mil 4 C 41 en may.
(en marge : « Nota : Sur Raoul Bernart a present receveur de Moncontour a respondre de ceste iniunction. Et lui est enjoint faire adiourner lesdiz sergens feodes au jour qu’il veudra compter. Et a Noel Le Mintier de le lui faire assavoir sur peine de 100 livres. En rendant relacion d’un notaire congneu et noble, de faire assavoir il demoura quitte de ladite peine »).

* « Item, touchant l’injunction faicte a ce recepveur, de se acertener et enquerir touchant 30 sous que l’en dit qui sont debuz en la parroesse de Pommeret en Mellen en la chastellenie de Moncontour, a cause de certain achat. Ce recepveur a fait convenir en jugement par la court de Moncontour et a plez generaulx selond que peut apparoir par la relacion de ce faicte. Mathelin Leon sergent feye en ladite parroesse et pluseurs aultres gens dignes de foy, lesquielx ont relate que a leur notice et cognoessance il ne y avoit nulz ne aulcuns heritages oudit lieu de Melleen dont debvoir de rente annuelle appartienne a ladite court excepte o un nomme Thomas Orguen qui tient heritage de ladite court et en doit poyer par chacun an, la somme et numbre de 24 sous monnoie qui se doyvent lever par chacun an par ledit sergend. Lequel Mathelin dit en compter chacun an avecques les recepveurs, chacun en son temps et qui sont employez ou mynu des rentes que aultreffoiz en a rendu et baille esdiz recepveurs et partant supplie ceste injunction lui estre mise hors si que en soit descharge et ce que dessur a dit et notiffie au receveur de present.
(en marge : « Nota ; Sur le receveur de present ceste injunction. Et est enjoint audit Noel la notifier audit receveur de present, a la peine que dessur et en rendra relacion comme devant »). (f°2°)

* « Item, touchant l’injunction faicte audit Noel, de rendre lectre d’une baille d’une piece de terre situee pres la grosse tour de Moncontour selond l’article de ladite injunction, ledit Noel en tient adiournement deux ans a un nomme Guillemot Bertram qui tient la dite piece, de lui ne peut aulcunement recoupvrer lesdites lectres et detient ladite piece. Neantmoins arrestz et plegemenz faiz contre lui et mesmes a prins et cuilli a sa possession et saisine lesdiz ouyt piez de terre qui estoint et sont le bien et chose publique et a l’entree de la grant porte de la ville close dudit lieu et est une rue pour aller a une poterne qui est es murailles de ladite ville en celuy endroyt desdiz ouyt piez et pour ce que ledit Noel en a fait la meilloure dilligence que a peu. Supplie ledit Noel ceste injunction estre mise sur le recepveur de present et en estre clerement descharge.
(en marge : « Nota : Sur Raoul Bernart a present receveur ceste injunction pour ce que l’en dit qu’il a fait ceste baillee a 20 deniers par an, quelle n’est pas acceptee pour ce que l’en dit que c’est ou grant preiudice du duc, de la ville de Moncontour et de ..nt (parchemin plié) le bien publique de ladite ville. Et est enjoint a ce receveur le lui notifier et en rendre relacion comme devant est dit »).

* « A son precedent compte fut dit qu’il ne fournissoit aucunement aux iniuncions qui lui avoint este faictes par son precedent compte a 16, 17, 18, 19, 20, 21 et 22 feilletz. Et lui fut enjoint celle foiz pour toute en respondre et fournir autant que estre devroit. Et pour ce que le penultime compte dudit Noel, qui fut fait en may l’an 46 est a Vennes, sera veu au prochain appurement dudit Noel, pour savoir s’il y a bien fourny.

* « Item, touchant l’injunction faicte a ce recepveur, de rendre relacion des homages de ceulx qui avoint fait acquestz de heritage selond que est contenu es comptes de ce recepveur. Et premier :
(en marge pour les deux articles : « Sur ledit Noel »).

Touchant l’acquest de heritage que fist Allain Houes de Jehan Houes, des troys crouez de dix et sept deniers de rente dont compta des ventes en l’an mil 4 C 36.
Pour ce que n’appert de l’(h)ommage avoir este fait, est charge par deffault de hom(mag)e pour les ans 37, 38, 39, 40, 41 et 42, pour chacun diceulx, 17 deniers vallant 8 sous 6 deniers.
(en marge : « Nota : Sur Raoul Bernart receveur de present, a respondre des levees desdiz 17 deniers par de son temps en cas que n’apparestra de l’(h)ommage fait avenanment »). (f°3)

Et pareillement, de l’acquest que fist dom Olivier Cahet de Jehanne Gaupicher, de deux perrees de frument de rente mesure de Moncontour, pour 28 escuz d’or de poys de franc et dont il compta des ventes oudit an.
(en marge : « Apparu relacion de l’(h)ommage fait avenanment »).

Et pareillement, il compta des ventes de l’acquest de heritage que avoit fait Jehan Duval de Perrot Coronnel et sa femme, de certoins heritages. Savoir, par une parcelle, pour 4 livres 15 sous. Et de l’acquest que fist de Guillaume Lefebvre d’une piece de terre pour 100 sous.
Il est charge par deffault d’apparoir de l’(h)ommage pour les ans 37, 38, 39, 40 et 41, pour chacun diceulx, 9 sous 9 deniers. Et pour ce : 48 sous 9 deniers.
(en marge : « Nota : Sur Raoul Bernart receveur de present, 9 sous 9 deniers pour l’an 1442. Et pour les ans ensuyvans lui est enjoint faire la levee s’il ne lui appert de l’(h)ommage fait avenanment. Et s’il reffuse la charge de celui an 42, il en passera entre lui et ledit Noel »).

Et pareillement dont compta des ventes oudit an, de l’acquest de heritage que avoit fait Geffroy Goudin de Jehan Gouppil, de 4 boexeaulx de seigle mesure de Moncontour, pour 15 reaulx.
(en marge : « Apparu relacion de l’(h)ommage fait avenanment »).

* « Item, ensuyt responsse des injunctions faictes a ce receveur de apparoir relacion de hommage des acquestz dont il compta des ventes en decembre l’an mill 4 C 39. Et premier :

De l’acquest de heritage que fist Guillaume Houeaulx (ou Honeaulx) de Hardoin Frion, de 2 perrees de frumentz de rente mesure de Moncontour, pour 40 reaulx ; ledit Houeaulx est mort. Et en a ce recepveur compte de son rachat et apparu que son filz aesne en a fait hommage.
(en marge : « Selon le compte dudit Noel fait en fevrier mil 4 C 43, l’(h)eritier dudit Guillaume Houeaulx avoit pour celui an 13 ans. Et pour ce, sur le receveur de present, les 14 ans passez, de faire la levee des heritages dudit heritier s’il ne lui appert de l’(h)ommage fait avenanment »). (f°3°)

Et pareillement dont compta des levees oudit an, de ce que avoit acquis Perrot Goudin de Guillaume Guiomar, de 4 sous 4 deniers de rente pour 4 livres 10 sous.
Et pareillement de ce que acquist ledit Goudin de Olivier Ruellan, de 5 sous de rente pour 107 sous.
(en marge : « Apparu relacion de l’(h)ommage fait avenanment »).

Et pareillement de l’acquest de heritage que a fait Jehanne Olivier tutrice et garde de ses enffans en elle procroyez dudit deffunt Guillaume Houeaulx, de Michiel Drolay, de quinze soulz de rente pour 15 livres. Il appert hommage fait par le filz dudit Houeaulx.
Il est charge par deffault de hom(mag)e pour les ans 40 et 41, pour chacun an, 15 sous. Pour ce : 30 sous.

Et pareillement, de l’acquest que fist Guillaume Denis de Olivier Le Barbier, de 10 boexeaulx de frument mesure de Saint Brieuc, pour 20 livres.
Il est charge par deffault de hom(mag)e pour les ans 40 et 41, pour chacun diceulx, 10 boexeaulx frument. Pour ce : 20 boexeaulx frument mesure de Saint Brieuc.
(en marge pour les deux articles : « Nota : Sur le receveur de present l’an 42 et le temps depuis s’il ne lui appert de l’(h)ommage fait avenanment »).

Item, de l’acquest que fist Geffroy Choupperie de Perret Herault, d’un boexel de frument mesure de Yffiniac, pour 4 livres 5 sous.
(en marge : « Apparu de l’(h)ommage »).

Item, de l’acquest de heritage que fist Guillaume Chevet de … (en blanc).
(en marge : « Nota : de veoir le compte dudit Noel de l’an mil 4 C 39, estant a Vennes, pour charger ledit Noel de ce que estoit devra. Et le receveur de present aussi »).

Item, de l’acquest de heritage que a fait Allain de Lessart de Jehan Lemoenne du hourme (orme ; du lieu-dit L’Orme ?) qui lui a vendu certoins heritages pour 40 sous.
Il est charge pour les ans 40 et 41. Pour ce, par deffault de hom(ag)e : 4 sous.
(en marge : « Nota : Sur le receveur de present, l’an 42, qui vauldront 2 sous. Et les ans ensuyvans s’il ne lui appert de l’(h)ommage fait avenanment »).

Et pareillement, de l’acquest de heritage que a fait Olivier Visdelou de Guillaume et Gilbert les Vallioz qui lui ont vendu 8 sous de rente pour 8 livres.
Il est charge pour les ans 40 et 41 par deffault de hom(ag)e : 16 sous.
(en marge : « Nota : Semblablement »). (f°4)

De l’avenante de heritage que a fait Guillaume Chevet sur les heritages Guillaume Hastelou par vertuz de ses contraz qui montent 15 livres.
Il est charge par deffault de hom(mag)e pour les ans 40 et 41. Pour ce : 30 sous.

Et pareillement de l’acquest de heritage que a fait Guillaume Vauvert tuteur et garde des enffans Guillaume Chevet de Jehan Rouaust qui lui a vendu 3 sous 10 deniers de rente pour 4 livres monnoie.
Il est charge pour les causes et an que dessur : 7 sous 8 deniers.

De l’acquest de heritage que a fait Jehan Morel de Jehan Desvaulx, de certoins heritages que a fait executer sur ledit Desvaulx par vertuz de ses contraz qui montent 12 livres 10 sous.
Il est charge par deffault de hom(mag)e pour les ans 40 et 41. Pour ce : 25 sous.

Et pareillement, de l’acquest de heritage que a fait Olivier Audouart de Jehan Gaynet (Gouret au compte de 1437-1439) qui lui a vendu 13 deniers obolle de rente pour 50 sous.
Il est charge comme dessur : 2 sous 3 deniers.

Et pareillement de l’acquest de heritage que a fait Jehan de Quengo de Hayes Lelong, de 11 sous 8 deniers de rente pour 11 livres.
Il est charge comme dessur : 23 sous 4 deniers.

Item, de l’acquest de heritage que a fait Guillaume Chevet son pere, qui avoit vendu a missire Rollend Madeuc, 60 sous de rente pour 60 livres, quel numbre de rente, ledit Chevet a retroit par sa premesse.
Il est charge par deffault de hom(mag)e pour les ans 40 et 41, par chacun diceulx ans, de 60 sous. Pour ce : 6 livres.

Item, de l’acquest de heritage que a fait Guillaume Loveer (Le Voyer ?) de Guillaume Robert et sa femme qui lui ont vendu 6 sous 6 deniers de rente pour 6 livres 10 sous.
Il est charge pour les causes que dessur. Pour ce : 13 sous.

Item, de l’acquest de heritage que a fait Guillaume Pietort de Olivier Botier, de une perree de frument mesure de Moncontour, pour 11 livres.
Il est charge semblablement pour lesdits 2 ans : 2 perrees froment.
(en marge pour les huit articles : « Nota : Sur le receveur de present l’an 42. Et le temps depuis s’il ne lui appert de l’(h)ommage fait avenanment »). (f°4°)

De l’acquest de heritage que a fait Mathelin Ruello d’une censie que a pins de Colin Andre dont avoit poye 30 livres.
(en marge : « Nota : Sur le receveur de present l’an 42 qui monte 30 sous de rente. Et le temps depuis s’il ne lui appert de l’(h)ommage »).

Item, de l’acquest de heritage que avoit fait Olivier Goueguet et sa femme de Jehan Guerin de Brehant, d’une perree de frument mesure de Lamballe, pour 11 livres.

Item, de l’acquest de heritage que avoit fait Pierre Coetpelle de Thomas Sitaudin et sa femme, d’une piece de terre en pre, pour 8 livres.

Item, de l’acquest de heritage que avoit fait Jehan Pellote de Olivier Gaultier, de 2 sous de rente, pour 40 sous.

Item, de l’acquest de heritage que a fait dom Thomas Herve de Jehan Blanchart, de 3 quartiers de frument mesure de Lamballe, pour 6 escuz.

Item, de l’acquest de heritage que a fait Eon Legras de Guillaume Legras qui a vendu audit Eon 6 sous de rente. Pour 100 sous.

Item, de l’acquest de heritage que a fait Guillaume Allo de Guillaume Feillet et sa femme, qui ont vendu audit Allou, 25 sous de rente, pour 25 escuz.

Item, de l’acquest de heritage que a fait Henri Boscher de la Ville Gaultier de Pierres Carmello, d’une perree frument mesure de Lamballe que ledit Carmello a vendu audit Boscher, pour 9 livres.
(en marge pour les sept articles : « Apparu relacion de l’(h)ommage fait avenanment »). (f°6 ; erreur de numérotation passe de 4 à 6)

Item, de l’acquest de heritage que a fait Olivier Davy de Geffroy Ducet et sa femme, de 13 deniers obolle de rente, pour 26 sous.

Item, de l’acquest de heritage que a fait Olivier Lepelletier de Jehan Moucet et sa femme qui lui ont vendu 10 sous de rente, pour 10 livres.

Et pareillement, de l’acquest de heritage que a fait Allain Jouhan de Katherine Herve, de certoins heritages que ladite Katherine a vendu audit Allain pour 15 livres.

Item, de l’aquest de heritage que a fait Allain Besolail de Pierres Henry, de certoins heritages que lui a venduz ledit Pierres, pour 67 sous 6 deniers.
(en marge pour les quatre articles : « Relacions des hommages faiz avenanment »).

Item, de l’acquest de heritage que a fait Jehan Cadet de Olivier Chevet qui a vendu audit Cadet, 2 perrees de frument mesure de Lamballe, pour 20 livres.
(en marge : « Nota : Sur le receveur de present l’an 42 qui monte 2 perrees froment et le temps depuis s’il ne lui appert de l’(h)ommage fait avenanment »).

Item, de l’acquest de heritage que a fait Guillaume Goudelin de Eon Pochel, de 4 sous 6 deniers de rente, que ledit Pochel avoit vendu audit Goudelin, pour 4 livres 5 sous.

Item, de l’acquest de heritage que a fait dom Olivier Cahet de Olivier de Pleouc, de 36 sous de rente que ledit de Pleouc a vendu audit dom Olivier, pour 36 escuz.

Item, de l’acquest de heritage que a fait Eon Groymel de Rollend Buronet et sa femme et Allain Songe et sa femme qui ont vendu audit Eon, 11 sus 3 deniers de rente, pour 14 livres 3 sous 4 deniers.
(en marge pour les trois articles : « Apparu relacions des hommages faiz avenanment »). (f°6°)

De l’acquest de heritage que a fait Jehan Guerin garde de Olivier Guerin de Thephaine Fommentin qui a vendu audit Jehan ou nom que dessur, 7 sous de rente, pour 7 livres.
(en marge : « Nota : Sur le receveur de present l’an 42. Et le temps depuis a en respondre de ce que en pourra trouver pour ce que Noel dit que en jugement ledit Guerin dist qu’il ne tenoit riens du duc et qu’il n’avoir que debatre que pour tout lui en jouyst et en a. Et rend relacion »).

Item, de l’acquest de heritage que a fait Allain Jouhan de Guillaume Jouhan, de 29 sous de rente que lui a vendu ledit Guillaume, pour 29 livres.
(en marge : « Apparu relacion de l’(h)ommage fait avenanment »).

Item, de l’acquest de heritage que a fait Thomas Raoul de Guillemet Daniel, de certoins heritages que ledit Daniel lui a vendu pour 9 livres.

Item, de l’acquest de heritage que a fait Rollend Corbel de certoins heritages que lui a vendu Jouhan Dessauldres, pour 10 livres.

Item, de l’acquest de heritage que a fait Jehan Riou de Olivier Troussart qui a vendu audit Riou, une piece de terre pour 4 escuz.
(en marge pour les trois articles : « Nota : Sur le receveur de present l’an 42. Et le temps depuis s’il ne lui appert des hommages faiz avenanment »).

Item, de l’acquest de heritage que a fait Symon Berthellot de Olivier Burnel qui a vendu audit Symon certains heritages pour 4 livres.

Item, de l’acquest de heritage que a fait Allain Coste de Jehan Saget, d’une perree de frument de rente mesure de Moncontour que ledit Saget a vendu audit Coste, pour 16 livres.
(en marge pour les deux articles : « Apparu relacions des hommages faiz avenanment »). (f°7)

Item, de l’acquest de heritage que a fait Geffroy Hermo de Allain Gueheneuc de Caltan qui a vendu audit Hermo un bouexel de frument de rente mesure de Lamballe, pour 100 sous.
(en marge : « Nota : Sur le receveur de present l’an 42 et le temps depuix s’il ne lui appert de l’(h)ommage fait avenanment »).

Item, de l’acquest de heritage que a fait de Collet Mace de Guillaume Gerno, de deux pieces de terre que ledit Gerno lui a vendu pour 20 escuz et reaulx.

Item, de l’acquest de heritage que a fait Guillemet Godelin de Guillaume Baluczon, de 5 sous de rente que ledit Baluczon lui a vendu pour 100 sous.
(en marge pour les deux articles : « Apparu relacions des hommages faiz avenanment »).

Item, de l’acquest de heritage que a fait Guillaume de Romar de Rollend de Saint Michiel, de 4 sous de rente que ledit Saint Michiel lui a vendu pour 15 livres.
(en marge : « Nota : Comme dessur »).

Item, de l’acquest de heritage que a fait Jehan Ymaine de Jehanne Abbe, de 18 sous de rente, pour 18 livres.

Item, de l’acquest de heritage que a fait ledit Jehan de Guillou Mauveysin, de 2 sous 6 deniers de rente pour 50 sous.

Item, de l’acquest de heritage que a fait Olivier Lemoulnier dit Guillochet de Olivier Lebigot, qui a vendu audit Olivier, un cours de debvoir de disme estant en Quessoy ou cours de Casteveuc, pour 72 livres.

Item, de l’acquest de heritage que a fait ledit Olivier de Jehan Nyvet, de 23 sous de rente pour 23 livres.
(en marge pour les quatre articles : « Apparu relacions des hommages faiz avenanment »). (f°7°)

Item, de l’acquest de heritage que a fait Olivier Giquel de Jacquet Giquel, de 10 sous de rente pour 10 livres.
(en marge : « Nota : Sur le receveur de present l’an 42 et le temps depuis s’il ne lui appert de l’(h)ommage fait avenanment »).

Item, de l’acquest de heritage que a fait Olivier Lemoenne de Guillaume Commault et sa femme, qui ont vendu audit Lemoenne, une piece de terre pour 10 ivres.

Item, de l’acquest de heritage que a fait Jouhan Poher de dom Robert Languille, qui a vendu audit Poher, certoins heritages pour 6 livres.

Item, de l’acquest de heritage que a fait Jouhan Herve de Perrote degreppie Jehan Martin, d’un bouexel de frument mesure de Moncontour que ladite Perrote a vendu audit Jouhan pour 7 livres.
(en marge pour les trois articles : « Apparu relacions des hommages faiz avenanment »).

Et pareillement, de l’acquest de heritage que a fait Jehan Cadet de Guillaume Leblanc, qui a vendu audit Cadet, 2 perrees mesure de Lamballe pour 20 livres.
(en marge : « Nota : Sur le receveur de present comme dessur »).

Item, de l’acquest de heritage que a fait dom Michiel Groymel de Olivier Rebours, qui a vendu audit Groymel certains heriatges pour 7 livres.

Item, de l’acquest de heritage que a fait mestre Allain Lebloy de Jehan Symon, qui a vendu audit mestre Allain, 40 sous de rente pour 40 escuz.
(en marge pour les deux articles : « Apparu relacions de hommages faiz avenanment »).

Item, de l’acquest de heritage que a fait Pierres de Bogar de Jehan (nom de famille non indiqué) qui a vendu audit de Bogar, 40 sous de rente pour 40 livres.
(en marge : « Nota : Sur le receveur de present comme dessur »).

De l’acquest de heritage que pareillement a fait Guillemet Goudelin de Guillou Badoual, de un bouexel de seigle mesure de Moncontour que ledit Badoual a vendu pour 4 livres.
(en marge : « Apparu relacion de l’(h)ommage fait avenanment »). (f°8)

Item, de l’acquest de heritage que a fait Jehan Baudoin de Michiel Poucet, de une piece de terre pour 4 livres 10 sous.
(en marge : « Apparu relacion de l’(h)ommage fait avenanment »).

Item, de l’acquest de heritage que a fait dom Robert Languille de Thomas Legarengiere, de 3 sous de rente et obeissance que ledit Thomas a vendu audit dom Robert pour 75 sous
(en marge : « Nota : Sur le receveur de present comme devant »).

Item, de l’acquest de heritage que a fait Pierres Guyomar de Geffroy Berthellot, qui a vendu une piece de terre pour 16 livres.
(en marge : « Apparu de l’(h)ommage »).

Item, de l’acquest de heritage que a fait Symon Berthellot de Jehanne Estienne, de 4 sous de rente pour 100 sous.

Item, de l’acquest de heritage que a fait Jehan Carlo de Thephaine Coetsmel, qui a vendu audit Carlo, 6 sous de rente pour 6 livres.
(en marge pour les deux articles : « Nota : Sur le receveur de present comme devant »).

Item, de l’acquest de heritage que a fait Jehan Ymaine de Jehan Roquel, de 7 perrees frument mesure Lamballe, pour 70 livres.

Item, de l’acquest de heritage que a fait Olivier Leboulengier pour et ou nom de Guyon de la Mote de Plesou Berno qui a vendu audit Bolengier oudit nom, certoins heritages, pour 30 escuz d’or.

Item, de l’acquest de heritage que a fait Guillaume Bougault de Guillaume Leblanc de Cariadeuc, qui a vendu audit Bougault, 3 perrees frument de rente pour 30 livres, quel frument est mesure de Lamballe.
(en marge pour les trois articles : « Apparu relacions des hommages faiz avenanment »).

Item, de l’acquest de heritage que a fait Jehan Cadet de Olivier Chevet, de certoins heritages que lui a vendu ledit Chevet pour 10 livres.
(en marge : « Nota : Sur le receveur de present comme devant »).

Item, de l’acquest de heritage que a fait Jehannet Donnio de Symon Medal et sa femme, de certoins heritages que lui ont vendu par deux parcelles pour 40 livres.
(en marge : « Apparu relacion de l’(h)ommage »). (f°8°)

Item, de l’acquest de heritage que a fait Guillaume Lemee d’un nomme Lebarbier, de certains heritages que il lui a venduz pour 20 livres.

Item, de l’acquest de heritage que a fait Allain Lebret d’un nomme Saget, qui lui vendit une perree frument mesure de Moncontour pour 13 livres.

Item, de l’acquest de heritage que a fait ledit Allain de Guillaume Geffrelin qui vendit audit Allain, 3 perrees frument mesure de Lamballe pour 26 livres.
(en marge pour les trois articles : « Apparu relacions des hommages faiz avenanment »).

§ – « Cy ensuyt responsse de l’injunction faicte a ce recepveur, de rendre relacion de homage des personnes qui avoint fait des acquestz dont il compta des ventes par son compte qui fut fait et clos a Vennes en febvrier l’an mill quatre cenz quarente et deux. Et premier : (f°9)

De l’acquest de heritage que a fait Rollend Corbel, de 2 sous 6 deniers de rente de Pierre Bomon et une place de pre que ledit Bomon lui a vendu pour 9 livres 10 sous.

Item, de l’acquest de heritage que a fait Rollend Davome de Geffroy Davome, qui a vendu audit Rollend un bouexel frument de rente mesure Lamballe, pour 4 livres 10 sous.

Item, de l’acquest de heritage que a fait Loret Bouvet et sa femme pour Julienne de la Houssaye de Jehan Guillorel, de 11 sous de rente pour 11 livres monnoye.

Item, de l’acquest de heritage que a fait (Estienne ; barré) Jehan Leblanc par retroit de premesse de Jehan Ymaine qui avoit acquis de Estienne Leblanc, 30 sous de rente pour 30 livres monnoye.

Item, de l’acquest de heritage que a fait Thomas Chierdel segneur de Duaust qui a vendu audit Thomas, 20 sous de rente et ung tonnel de seigle pour 100 livres.
(en marge pour les cinq articles : « Apparu relacions des hommages faiz avenanment »).

De l’acquest de heritage que a fait Jehan de la Bourdonnoye et Sebille de Lanney (Launey), qui vendit audit de la Bourdonnoye, 6 livres de rente pour 105 livres.
Et en avoit partie tenuz de missire Rollend Madeuc et Jehan de la Roche.
Et pour ce que en estoit tenu du duc en ny dudit de la Bourdonnoye et compose o lui a 8 livres 15 sous.
Et en compta desdites 8 livres 15 sous par son precedent compte.
(en marge : « Nota : Sur le receveur de present a en faire les levees s’il n’appert de l’(h)ommage fait avenanment. Et est enjoint a ce receveur le lui notifier a peine de 20 livres. Et pareillement des aultres injuncionez cy apres »).

Item, de l’acquest de heritage que a fait Perrotin Bernard degreppie Guillou Rouaust, qui a vendu audit Bernard, 7 sous de rente pour 8 livres.
(en marge : « Apparu relacion de l’(h)ommage fait avenanment »). (f°9°)

Item, de l’acquest de heritage que a fait Olivier Davy de Geffroy Caouret, qui avoit vendu a Allain Lebret, 8 sous de rente pour 8 livres. Et dempuis ledit Davy le retira par sa premesse.

Item, de l’acquest de heritage que a fait le dit Davy de Pierres Leberruyer, qui a vendu audit Davy 10 sous de rente pour 14 ivres.

Item, de l’acquest de heritage que a fait Olivier Boullain de Olivier Jehan, qui a vendu audit Olivier, certoins heritages pour 40 sous.

Item, de l’acquest de heritage que a fait Olivier Lepelletier de Perret Robert et sa femme, qui ont vendu audit Lepelletier, 6 sous de rente pour 6 livres.

Item, de l’acquest de heritage que a fait Jehan Meheust et Allain Fromont de Guillou Rio et sa femme, qui ont venduz esdiz nommez 16 sous de rente.

Item, de l’acquest de heritage que a fait Pierres (Levesthe ; barré) Levesque de Brigide Chappellain, qui a vendu audit Pierres, 4 perrees de froment de rente mesure de Lamballe pour 40 livres.

Et pareillement, de l’acquest de heritage que a fait Perret Aen de Guillaume Leblanc de Caraiadeuc, d’une perree de frument de rente mesure de Lamballe, pour 10 livres.

Item, de l’acquest de heritage que a fait Pierres Moro de Henon de Guillemine Guillart, qui a vendu audit Moro, certoins heritages pour 4 livres.
(en marge pour les huit articles : « Apparu relacions des hommages faiz avenanment »).

Item, de l’acquest de heritage que a fait Guillemine Lecousturier de Jehan Nyvet, qui a vendu a ladite Guillemine, 21 sous de rente pour 20 livres.
(en marge : « Nota : Sur le receveur de present comme devant »). (f°10)

Item, de l’acquest de heritage que ont fait Guillaume Ogier et Jehanne Cillart de Denis Goirel et sa femme, qui ont vendu aux dessurdiz, certains heritages pour 98 livres.

Item, de l’acquest de heriatge que a fait Jehan Gervet par retroit de premesse de Jehan Leblanc, qui avoit acquis de Allain Gervet, certoins heritages pour 40 sous.
(en marge pour les deux articles : « Apparu relacions des hommages »).

Item, de l’acquest de heritage que a fait Pierres Faramus de Jamet Despoullains, qui a vendu audit Faramus, certoins heritages pour 10 livres.
(en marge : « Nota : Sur le receveur de present comme devant »).

Item, de l’acquest de hertage que a fait Bertram Le Champion de Geffroy Berthelemer, qui a vendu audit Bertram, 20 perrees et demye frument de rente mesure Lamballe pour 25 livres.

Item, de l’acquest de heritage que a fait Jehan Ymaine de Jehan Hullere, qui a vendu audit Ymaine, 12 sous 6 deniers de rente pour 12 livres 10 sous.
(en marge pour les deux articles : « Apparu relacions des hommages »).

Item, de l’acquest de heritage que a fait Guillaume segneur de Robien de Guillaume Le Veneurs de Cariollet, qui a vendu audit de Robien, 30 livres de rente pour 600 livres. Ne se charge a present ce recepveur des ventes en appartenant que de 20 livres pour ce que par monsegneur en a este donne et (descharge ; barré) defalque a l’eglise de Nostre Damme de Moncontour, 35 livres et Guyon de Carne lors tresorier de mondit segneur en donna audit de Robien, 20 livres. Et ainssi ne demoura a cler desdites ventes que 20 livres et neantmoins son excusacion, fut charge par son precedent compte du tout desdites ventes qui montent 75 livres. Et rend relacion de l’(h)ommage.
(en marge : « Nota : Sur le receveur de present comme devant »). (f°10°)

Item, de l’acquest de heritage que a fat Pierres Poullain de Eon Lemoenne, qui a vendu audit Poullain, certoins heritages pour 18 ivres.

Item, de l’acquest de heritage que a fait Guillaume Ogier et sa mere de Eon Huet, de certoins heritages pour 100 sous.
(en marge pour les deux articles : « Apparu relacions des hommages faiz avenanment »).

Item, de l’acquest de heritage que a fait Eon Lucas de Henon de Eon Pestivien, de certoins heritages pour 75 sous.
(en marge : « Nota : Sur le receveur de present comme devant »). (f°11, non écrit ; 11°, non écrit ; 12)

§ – « Item, ensuyt responsses des injunctions faictes a ce recepveur a son darroin compte a cause d’aulcuns rachaz selond que est contenu esdiz injunctions et cy empres en respond et en a baille le memoire au recepveur de present pour y faire les deligences. Et partant supplie dicelles n’en avoir ne lui estre baille aulcune charge de ce present recepveur quar de raison puisqu’il a les gages et proffitz de ladite recepte, il en doit avoir la charge et ainssi demande et dit vers ledit recepveur quite doit estre. Et premier :

* « Touchant l’injunction faicte a ce recepveur, de rendre mynu et hommage du rachat de deffunt Guillaume Collet et dont il a compte avoir receu sur ledit rachat, 11 perrees de frument mesure de Lamballe, il appert ce que en a peu recoupvrer.
(en marge : « Nota : Sur ce receveur a ses derroin et penultime comptes lui avoit este enjoint rendre minu et relacion de l’(hommage) de feu Guillaume Colet, pour estre charge de plus si estre deust. De quoy n’appert riens. Si lui est encore enjoint ceste foiz pour toutes, rendre ledit minu a son prochain compte a peine de 20 livres. Au regart dudit hommage, la charge a este baillee au receveur de present ainsi qu’il est fait mencion ou precedent compte de ce receveur a 27 feillet »).

• « Touchant l’injunction de rendre le mynu du rachat de deffunt Robert Andre dont il a compte a valloir sur ledit rachat que avoit recepu (reçu), savoir 4 livres 10 sous et a son darroin compte apparut relacion de l’(h)ommage a cause dudit rachat, il n’en a recepu em plus large et n’en a peu recoupvrer le mynu.
  (en marge : « Nota : Semblablement et a semblable peine. Sur ledit receveur au regart du minu. Et a rendu de l’(h)ommage »). (f°12°)

* « Item, touchant l’injunction du rachat Guillemet Budes dont il compta aultreffoiz de 15 sous a valloir sur ledit rachat. Il en tient ledit Guillemet en proceix et n’en a peu aultre chose recoupvrer. Et lui avoit este enjoint rendre minu et relacion de l’(h)ommage.
(en marge : « Nota : Sur ledit Mintier, de rendre comme a son appurement pour estre charge du surplus selon ledit minu. Et pour ce que n’appert de l’(h)ommage est charge pour l’an 41 de 15 sous.
Nota : Sur le receveur de present a faire la levee de l’an 40 et du temps depuis s’il ne lui appert de l’(h)ommage fait avenanment »).

* « Item, touchant l’injunction du rachat Bertram Moesson dont il a compte avoir receu sur ledit rachat, 60 sous. Et a son darroin compte, en fut charge par deffault de hom(mag)e d’aultres 60 sous. Il en a peu en recoupvrer mynu. Et de l’(h)ommage avenanment fait il en apparest.
Il rend minu baille par Guillaume Moesson filz et heritier dudit Bertram, qui monte charges rabatues, par monnoie, 4 livres 11 sous 10 deniers ; par froment mesure de Moncontour, 8 bouexeaulx et 2 chappons dont est a rabatre pour le tierz de Pleso Berno sa femme, qui monte 30 sous 7 deniers tierz ; par froment, 2 bouexeaulx 2 tierz et 2 tierz de chapon. Et ce rabatu demeure a court, 61 sous 2 deniers 2 tierz ; 6 bouexeaulx et tierz froment et un chapon et tierz dont est charge en cest endroit oultre 60 sous dont il compta en son compte fait en may l’an 41, un sou 2 deniers 2 tierz ; 6 bouexeaulx tierz froment Moncontour ; un chapon et tierz.
(en marge : « Il a apparu minu et relacion de l’(h)ommage fait avenanment.
Doairiere nommee Pleso Berno qui a sauve 30 sous 7 deniers tierz ; 2 bouexeaulx 2 tierz froment ; 2 tierz de chapon.
Pour ce qu’il n’appert relacion de ladite doairiere d’avoir saulve son tierz, il en est charge sauf raison en mise. Pour ce : 30 sous 7 deniers tierz ; 2 bouexeaulx 2 tierz froment ; 2 tierz de chapon.

* « Et pareillement, du rachat missire Estienne Cotte dont lui fut fait injunction d’en rendre mynu et hommage il apparest a present.
Il rend minu baille par Jehan Cote son filz et heritier dudit missire Estienne Cote qui monte par deniers, ble y apprecie, 9 livres 9 sous un denier dont est a rabatre pour le tiers de doaire de dame Marie de la Roche sa femme, 63 sous tierz de denier. Et ce rabatu demeure a court, 6 livres 6 sous 2 tierz de denier dont il est charge en son compte fait en may l’an 41, de 6 livres.
Si est charge cy endroit du surplus qui monte 6 sous 2 tierz de denier.
(en marge : Il apparu minu et relacion de l’(h)ommage.
Doairiere, savoir dame Marie de la Roche qui sauva 63 sous tierz de denier.
Nota : Sur le receveur de present a compter desdiz 63 sous tierz de denier. Et auxi du rachat de ladite doairiere qui deceda en l’an 45 comme dit le dit Noel. Et s’il en reffuse la charge, en passera entre eulx touchant lesdiz 63 sous tierz de denier pour ce que ledit Noel n’a pas rendu relacion que elle en ait joy »).

* « Item, touchant l’injunction de rendre le mynu du rachat de Hays Rollend dont il a compte aultreffoiz a valloir sur ledit rachat de 40 sous. Et par seigle mesure de Moncontour, 6 perrees, il en a fait la diligence et en appert ce que en a peu recoupvrer.
Il rend minu qui monte par monnoie, 110 sous 2 deniers et par seigle, un tonnel. Sur quoy, il compta par ses 2 precedens comptes, de 40 sous et de 6 perrees seigle. A present, est charge du surplus qui monte 70 sous 2 deniers ; 2 perrees seigle.
(en marge : « Il a rendu minu et relacion de l’(h)ommage »). (f°13)

* « Et pareillement, touchant l’injunction des rachatz Estienne Quatrebraz et de la mere Rollend Quatrebraz dont il compta aultreffoiz a valloir sur lesdiz rachatz, de 65 sous, le heritier est mineur et au parrssur il a fait la meilloure diligence que a peu. Et dit que l’(h)eritier a (8 ; barré) 11 ans.
(en marge : « Sur ledit Mintier, de rendre a son prochain compte, minu valable, a peine de 10 livres.
Nota : Sur le receveur de present a se donner garde de l’aage »).

* « Item, touchant l’injunction du rachat Jehan Jouin dont il a compte aultreffoiz du rachat de 10 sous et par deffault de apparoir mynu et relacion de hommage, il en appert a present ce que a peu recoupvrer.
(en marge : « Apparu minu. Et a rendu relacion de l’(h)ommage fait avenanment »).

* « Item, touchant l’injunction faicte a ce recepveur, de rendre mynu et hommage du rachat de deffunt Thomas du Breil, il en rend a present lesdiz minu et hommage et du parrssur a lesse joir le heritier dudit du Breil par vertuz de la donnaison lui en faicte.
Il rend minu baille par Guillaume du Breil filz et heritier dudit Thomas, qui monte (et dont il est charge par deniers ; barré) 18 livres un sou ; 28 perrees seigle et le tierz d’un quart de froment dont il est a rabatre pour Marie Harmet sa femme pour son doaire, le tierz qui monte par deniers, 6 livres 4 deniers ; par seigle, 9 perrees tierz et par froment, demy godet. Et ce rabatu demeure dont il est charge sauf raison en mise pour ce qu’il dit que le duc l’avoit donne audit Guillaume du Breil : 12 livres 8 deniers ; 18 perrees 2 tierz seigle ; un godet froment.
(en marge : « Minu rendu et relacion de l’(h)ommage et de la doairiere d’avoir joy de son tierz.
Doairiere, savoir, Marie Harmet qui sauva 6 livres 4 deniers ; 9 perrees tierz seigle ; demi godet froment.

* « Item, touchant l’injunction faicte a ce recepveur, de rendre mynu et hommage du rachat de deffunt Estienne du Cambout et dont il fut charge a son darroin compte, de 60 sous et par avant de 30 sous, il n’en a rien recepu pour ce que fut donne a le heritier principal dudit du Cambout. Et par deffault de hom(mag)e fut charge par son precedent pour les ans 41 et 42, de 60 sous.
(en marge : « Nota : Sur ledit Noel, de rendre le minu a son prochain compte, a peine de 10 livres. Et au regart de l’(h)ommage le receveur de present est charge de s’en donner garde »).

* « Item, touchant l’injunction faicte a ce recepveur, de rendre mynu et hommage du rachat de deffunt Perrot Pelle dont il compta aultreffoiz du rachat, de 3 quars frument mesure de Lamballe. Il n’en a plus receu et au parrssur en a fait la meilloure dilligence que a peu. A son precedent compte, il fut charge par deffault de hom(mag)e de 3 quartz froment mesure de Lambale pour l’an 41.
(en marge : « Nota : Semblablement »). (f°13°)

* « Et pareillement, touchant l’injunction de rendre mynu et hommage du rachat Collin Morel dont il a compte a valloir sur ledit rachat, de 3 quarts frument mesure de Moncontour et 3 quars seiglle mesure Lamballe. Et endroit fait il n’en a plus recepu.
A son precedent compte, il fut charge pour l’an 41 par deffault de hom(mag)e , de3 quartz froment mesure de Moncontour et 3 quartz seigle mesure de Lambale.
(en marge : « Apparu le minu de ce rachat, monte le froment et seigle en raportez. Et de l’(h)ommage »).

* « Item, touchant l’injunction du rachat Phelipote Ferron dont il compta aultreffoiz du rachat en l’an 36, de 8 perrees frument mesure de Lambale. Et par monnoie, il les receput et en compta. Et au parrssur n’en a plus receu.
Il fut charge par deffault de hom(mag)e a son precedent compte pour l’an 41, de 6 perrees froment mesure de Lambale.
(en marge : « Nota : Sur ledit Noel, de rendre a son prochain compte, minuz valables pour en estre charge du plus que n’a este si estre doit, a peine de 10 livres »).

* « Item, touchant l’injunction de rendre minu et hommage du rachat Thomine Pelle dont il compta avoir receu par Olivier Davy, une perree frument mesure Lamballe. Et n’e a plus receu. Et au parrssur en a fait la meilloure dilligence que a peu.
Il fut charge par son precedent compte par deffault de hom(mag)e, d’une perree et demie froment mesure de Lambale.
(en marge : « Nota : Et sur le receveur de present fut note par son precedent compte, de faire les levees desdiz heritages s’il ne lui apparessoit des hommages faiz avenanment »).

* « Item, touchant l’injunction de rendre mynu et hommage du rachat de Jehanne de Lessart dont il compta aultreffoiz avoir recepu par Pierres Jagu, 31 sous. Il n’en a em plus large recepu et n’en a peu recoupvrer mynu ne hommage.
Par son derroin compte, il fut charge par deffault de hom(mag)e pour l’an 42, de 15 sous 6 deniers.

* « Et pareillement, touchant l’injunction de rendre mynu et hommage du rachat Olive Herve dont il compta aultreffoiz avoir receu 25 sous. Il n’en a em plus large receu et le recepveur de present en a fait les aultres levees.
Par son penultime compte, il fut charge par deffault de hom(mag)e pour l’an 40, de 25 sous.
(en marge pour les deux articles : « Nota : Sur ledit Noel comme dessur.
Nota : Et sur le receveur de present comme devant »).

* « Item, touchant l’injunction de rendre minu et hommage du rachat de feu Jehanne de Quedillac dont il compta pour le rachat, de 45 sous.

* « Item, touchant l’injunction de rendre minu et hommage du rachat Perrote Deshayes dont il compta autreffoiz de 25 sous.

* « Item, touchant l’injunction du rachat Pierre Langourla dont il compta autreffoiz de 6 sous 8 deniers.
(en marge pour les trois articles : « Nota : Sur ledit Noel. Et sur le receveur de present comme dessur »). (f°14)

* « Item, touchant l’injunction de rendre mynu et hommage du rachat Jehanne Bernard dont il compta aultreffoiz par son penultime compte, de 9 sous 3 deniers. Il n’en a recepu em plus large.
(en marge : « Nota : Sur ledit Noel. Et sur le receveur de present comme es precedens articles »).

* « Item, touchant l’injunction faicte a ce recepveur, de faire decleracion de qui et pour quoy il avoit recepu la somme de 20 livres. Il en a fait decleracion cy apres selond qu’il ensuyt. Et premier :

De Pierres de Carbout, par ses hom(mag)es, a valloir sur le rachat de Jehan de Carbout son frere, 10 sous 6 deniers.
Item, des hers Perrin Visdelou, a valloir sur le rachat dudit Perrin, (30 ; 48 ; sommes barrées) 58 sous.
Item, de Pierres Le Mintier fils Charles Le Mintier, a valloir sur le rachat de sa mere : 25 sous.
Item de Michiel Lemestre et Rolend Dieulengart, pour et a valloir sur le rachat de dom Geffroy Lemestre : 7 sous 6 deniers.
Item, de Guillaume Ruallen de la Pierre Platte , a valloir sur le rachat de sa mere : 69 sous.
Item, de Olivier Labbe, a valloir sur le rachat de sa mere acquit a son frere, sur ledit rachat : 25 sous
(en marge pour les six articles : « Nota : Sur ledit Noel. Il lui est enjoint rendre a son prochain compte, minuz desdiz rachaz pour en estre charge de plus si estre doit.
Nota : Sur le receveur de present, a faire les levees desdiz rachatz s’il ne lui appert des hommages faiz avenanment »). (f°14°)

Item, du rachat de Guillaume Chevet qui deceda … (en blanc) est charge selon un minu rendu par Rolant Chevet son filz et heritier, estant en date du 12ème jour d’aoust l’an 42 oultre 45 sous que Olive Symon, vefve dudit deffunt a saulve pour sa moitie des heritages contenuz oudit minu qui avait este acquis durant leur mariage : 45 sous.
(en marge : « Minu rendu. Et relacion de l’(h)ommage fait avenanment avecques relacions de ladite vefve d’avoir joy desdiz 45 sous et en avoir fait hommage.
Olive Symon qui a saulve 45 sous »).

Item, du rachat dom Guillaume du Laindu qui deceda en l’an 41, se charge avoir receu un tonnel seigle aprecie 60 sous.
(en marge : « Nota : Sur ledit Noel. Et sur le receveur de present comme devant »).

Somme : 20 livres dont il a este charge par son precedent compte fait en fevrier 1443.

§ – « Item est charge dont n’avoit pas compte de la 8ème partie de la coustume de la foire de la Magdeleine a Moncontour, pour l’an mil 4 C 42 : 30 sous.

Item, pour la 8ème partie de la coustume de la foire de la Saint Michiel de Moncontour dont n’avoit pas compte : 30 sous. (f°15)

Somme de la charge dudit Noel Le Mintier :

Par or : 77 escuz et demy.
Par monnoie : 603 livres (13 sous 2 deniers ; somme barrée) 18 sous 4 deniers.
Par froment mesure de Moncontour : 26 tonneaulx 4 perrees 3 quartz demi quart et un godet.
Par froment mesure de Lambale : 71 perrees et demie.
Par froment mesure de Saint-Brieuc : 26 justes demie et 6ème.
Par seigle mesure de Moncontour : 12 tonneaulx 3 perrees demie demi quart et 2 tierz de perree.
Par seigle mesure de Saint Brieuc : 7 justes demie et 6ème.
Par avoine mesure de Moncontour : ue perree.
Et par chapons : 2 chapons. (f°15°, non écrit ; 16)

§
§§§
§

Les Mises et descharges a valloir audit Noel Le Mintier pour la charge et recepte dont est charge cy davant.

Premier, que lui fut deu par la deduction de son derrain compte : 185 livres 19 sous 5 deniers pouge. (deport).
(en marge : « Deport ; En actendant rendre la deducion de son derrain compte »).

Et premier :

* « Supplie lui estre descharge et dont fut mis en depport a son derroin compte, de la somme de 15 escuz d’or de poys de franc que avoit baille a Pierres Lebart, par mandement de monsegneur selond que appert a son darroin compte et pour ce : 15 escuz vallant 18 livres 15 sous.
(en marge : « Al ; Et a verifie par son serment n’en avoir eu autre payement »).

* « Item, supplie lui estre alloe et qui lui fut reffuze a son darroin compte, la somme de 4 livres 13 sous 4 deniers qu’il povoit baille a mondit segneur, a sa main, pour employer en ses affaires secrez sellond que est contenu en sondit mandement. Et pour ce, d’escuz de poys de franc : (12 escuz ; somme barrée).

* « Item, supplie lui estre alloe et qui lui fut reffuse a sondit compte que avoit baille a Jehan Lefelle pour employer es aulmosnes de mondit segneur sellond que apparut par (tache ; lectres) de mondit segneur et quictance dudit Lefelle. Et pour ce d’escuz de poys de franc : (12 escuz ; somme barrée). +
(en marge pour les deux articles : + « Reffuse comme a son precedent compte par deffaut de garant sauf a lui en faire raison quant il en apparestra »). (f°16°)

* « Item, supplie lui estre descharge que a poie a missire Jehan Lenffant et a mestre Jehan Daviet, par donnoison que leur en fist aultreffoiz monsegneur le duc sur les taulx que estoit tauxe par la court de Moncontour, Rollend Abbe de Paressil selond que peut apparoir de ladicte donnoison par les lectres de mondit segneur et quictance des dessurditz. Et pour ce : (100 sous ; somme barrée). +
(en marge : + « Reffuse comme a son precedent compte sauf a lui en faire raison quant il apparestra le minu des taux par lequel l’en trouve que celui ou ceulx sur qui fut prinse ceste amende feust taxe lesdiz 100 sous »).

* « Item, supplie lui estre alloe et mis en clere descharge et dont fut mis en depport a son darroin compte pour les gages de Pierres Josso lors seneschal de Moncontour et en est somme en actendant rendre les minuz et appuremens des taux du temps qu’il fut seneschal : 56 livres 13 sous 4 deniers.
(en marge : « Al ; Pour ce que a rendu minuz et apuremens des taux du temps dudit Joczou »).

* « Item, supplie pareillement lui estre alloe et mis en clere descharge, les gages de feu Jehan de Carbout autreffoiz alloe de ladite court et dont fut mis en depport en actendant rendre de Pierres de Carbout son heritier principal et a present il la rend. Et pour ce : 8 livres 6 sous 8 deniers.
(en marge : « Al ; Et rend quictance »).

* « Item, supplie lui estre alloe et dont fut mis en depport a son darroin compte, pour les gages de Rollend de Carne vendour et subgarde des boes et forestz de Moncontour et de Cassebret, par deffault de sa quictance et a present il la appert et pour ce : 20 livres.
(en marge : « Al ; Et rend quictance »). (f°17)

* « Item, supplie lui estre alloe et mis en clere descharge et dont fut mis en deport, pour rente deue au priour de Moncontour, par deffault de apparoir quictance. Laquelle il apparest a present et pour ce : 15 sous.
(en marge : « Al ; Et rend quictance »).

* « Item, supplie lui estre alloe et mis en clere descharge dont fut mis en deport a son darroin compte, pour rente deue a dom Olivier Faruel rectour de l’iglise parrochial de Nostre Damme de Moncontour, sur le jardrin du chastel dudit lieu, par deffault de apparoir quictance. Laquelle il apparest a present et pour ce : 18 sous.
(en marge : « Al ; Et rend quictance »).

* « Item, supplie lui estre mis et alloe en clere descharge qui lui avoit este reffuse a son darroin compte que avoiit poye a mondit segneur pour employer en ses affaires secrez dont il avoit aultreffoiz rendu quictance par deffault de apparoir quictance de Jehan Mauleon qui estoit garde des petiz coffres ou qu’il en eust compte ou aultre garant vallable dont il apparest a present. Et pour ce : (16 livres ; somme barrée). +
(en marge : + « Reffuse comme a son precedent compte par deffault de garant sauf a lui en faire raison quant il en apparestra valablement »).

* « Item, supplie lui estre alloe et mis en clere descharge dont avoit este mis en depport a son darroin compte que avoit poye a Gillet Duret par quictance de Jehan de Cleuz et que avoit poye audit Duret ses commis et depputtez, par deffault de apparoir quictance dudit Gillet de les avoir euz et recepuz (reçuz) et pour ce. Laquelle (il apparest a present la ; barrré) quictance de Jehan de Cleuz appert a present. Monte, oultre ladite somme de 178 livres 16 sous, 21 livres 5 sous dont est somme ensemble : 200 livres.
(en marge : « Al ; Par quictance dudit de Cleuz selon sa quictance du second jour de fevrier l’an 38.
Sur le dit Jehan de Cleuz garderobier, 21 livres 5 sous dont il n’a pas compte »). (f°17°).

* « Item, supplie lui estre mis (et alloe) en clere descharge et dont avoit este mis en depport a son darroin compte, pour certennes repparacions que avoit fait environ la cohue es draps de Moncontour, que avoit a Pierres Le Mintier, en actendant rendre a son appurement relacion de Jehan Dessalles et Michiel Leberruyer que le feur desdites reparacions fust bien et deubment fait et acomply, a peine d’en demourer charge et lui estre reffuse. Et estoit en acomplissant le poyement de 250 livres a quoy avoit este ledit feur, le registre duquel feur signe par Mauneuff, qu’il avoit este baille audit Noel de la poche Mansel de l’an 36. Laquelle relacion et ledit registre il apparest et rendt a present et pour ce : 250 livres.

* « Item, supplie lui estre alloe et mis en clere descharge et dont avoit este mis en depport a son darroin compte que avoit poye audit Pierres, pour faire et parachever ledit feur aultreffoiz en fait o lui par feu Jehan Mansel precedent recepveur et en est somme : 29 livres.
(en marge pour les deux articles : « Al ; Selon la relacion desdiz Dessales et Berruyer qui relatent que ledit feur est bien et deuement fait et acomply »).

* « Item, supplie lui estre alloe et mis en clere descharge, la somme de 11 livres de la somme de 16 livres dont avoit este mis en depport a son darroin compte que il avoit poye a Guillaume Gourdel, pour certennes repparacions que avoit fait faire envron les moulins de la recepte selond que peut apparoir par les relacions aultreffoiz rendues par ce recepveur et pour ce que le feur estoit fait audit pris de 16 livres et que restoit estre fait une breche qui povoit couster environ 100 sous, en fut du tout en tout mis en depport en attendant parfaire ladite breche. Et pour ce que dist que Raoul Bernard a present recepveur n’a(v)oit fait parfaire ladite breche, ledit Noel ne s’en estoit descharge que de ce que en avoit este poye. Et pour ce : 11 livres.
(en marge : « De ce feur restoit a faire pour 100 sous que doit fare faire Raoul Bernart a present receveur »). (f°18)

* « Item, supplie lui estre alloe en clere mise et descharge dont fut mis en deport a son derroin compte, que avoit poye a Jouhan Perrigault et Guillaume Paestel qui avoint fait certennes eschelles pour monter sur les murs de la ville de Moncontour. En actendant rendre relacion que lesdites eschelles fussent bien et deubment faictes et acomplies et pour ce a present la rendt. Et en est somme : 10 livres.
(en marge : « Al ; Selon les relacions desdiz Berruyer et Boulengier »).

* « Item, supplie lui estre alloe et mis en clere descharge dont avoit este mis en depport a son darroin compte, que avoit poye a Jehan Perrigault pour certennes reparacions que avoit fait faire environ les moullins foulleretz et a tan, la somme de 9 livres pour ce que n’apparessoit relacion du feur. En actendant rendre relacion du feur et qu’il soit bien et deubment acomply de l’aloue, Michiel Leberruyer, Robin du Gourroy ou deux d’eulx et que l’oultre plus si aulcunement estoit, que lui fust fait raison. Laquelle relacion il rend a present. Et pour ce que ledit feur fut au pris de 17 livres, suplie iceulx lui estre alloez. Et dont il rendit aultreffoiz quictance dudit Perrigault. Et pour ce : (17 livres ; somme barrée) ; 9 livres. (deport).
(en marge : « Deport ; Combien qu’il ait apparu une relacion de Olivier Leboulengier et de Michiel Leberruyer, laquelle ne fait point decleracion du proces dudit feur. Et pour ceste cause n’a point este acceptee. Mais lui a este rendue. Il en est mis en deport comme a son prochain compte, en actendant rendre relacion du pris dudit feur et qu’il soit bien et deuement acomply. Et pour ce faire, sont commis lesdiz Boulengier, Berruyer, l’aloue de Moncontour ou deux d’eulx. Et jusques a ce est mis en deport de 9 livres ainsi que fut a ses deux precedens comptes. Et de l’oultre plus s’aucun est lui sera fait raison de ladicte relacion veue et rendit aultreffoiz quictance desdites 17 livres »).

* « Item, supplie lui estre (alloe) et mis en clere descharge dont avoit este mis en reffux a son darroin compte, par deffault de apparoir relacion de l’(h)ommage du rachat Perrote Lebreton. Laquelle il apparest. Et pour ce : (15 sous 6 deniers ; somme barrée). +

* « Et pour pareille cause, supplie lui estre alloe et mis en clere descharge, par deffault (de) relacion de l’(h)ommage du rachat de Haysette Moesan. Laquelle il apparest a present et pour ce : (10 sous ; somme barrée). +
(en marge pour les deux articles : + « Reffuse comme a son precedent compte »). (f°18°)

* « Item, supplie lui estre alloe et mis en clere descharge, la somme de 68 sous et 12 perrees frument a cause du rachat de Guillote de la Villeon pour ce que le proceix en tient encore et pour ce, par monnoie : (69 sous ; somme barrée).
Et par frument mesure de Lamballe : (12 perrees ; somme barrée).
(en marge : + « Reffuse et n’en demande point de descharge »).

* « Item, supplie lui estre alloe et mis en clere descharge dont avoit este mis en deport a son darroin compte, que avoit baille et poye aux tresoriers et fabriques de l’iglise de Nostre Damme de Moncontour, par vertuz de la donnaison que mondit segneur en avoit faicte pour mettre et employer en la repparacion de ladite eglise. En attendant rendre desdiz tresoriers et des quatre plus notables bourgeys (bourgeois) de ladite ville que ledit recepveur eust poye ladite somme et que elle ait este employee en la repparacion et au proffit de ladicte eglise. Laquelle relacion il apparest a present. Et pour ce : 35 livres.
(en marge : « Al ; Selon la relacion des tresoriers et fabriques de ladite eglise »).

* « Item, supplie lui estre alloe et mis (en clere) descharge et qui lui furent reffusez a son darroin compte a cause des sergenties Guillaume Le Veneur et Jehan de Quengo et dont la somme monte :
Par une article : (25 livres 2 sous 7 deniers ; somme barrée). +
Par une aultre article : (54 sous 3 deniers ; somme barré). +
Par une aultre articles : (4 sous 2 deniers pouge ; somme barrée). +
Par une aultre article : (50 sous 2 deniers ; somme barrée). +
(en marge : + « Reffuse comme a son precedent compte sauf a lui en faire raison quant ledit Noel ou lesdiz sergentz en apparestront justificacion ou garant valable. Et veu la fin du proces d’entre Jehan Mansel precedent receveur et lesdiz sergentz.
D’une écriture de la fin du XVIIème siècle ou du début du XVIIIème siècle « Sergent de Plessalas, Langas etc.. »).

* « Item, supplie lui estre alloe dont il fut mis en deport par ses precedens comptes, de la somme de 62 escuz et demi, pour causes de certaines ventes deues par Guillaume du Quengo. Et laquelle somme, il ne receupt aucune chose pour ce que monsegneur en fist autreffoiz donaison audit Quengo. Ett combien que il apparut de (feu ; barré) monsegneur, mandement de la donaison lui faicte, il en fut mis en deport en actendant rendre relacion de mondit segneur pour ce que ledit mandement n’estoit point delibere selon les ordonnances. Lequel relevement il n’a peu recouvrer et dit qu’il doit suffire dudit mandement par lui rendu pour ce que en droit fait, lesdites ventes n’estoint pas deues et n’avons faicte que une fainte. Et pour ce : 62 escuz et demi. (deport).
(en marge : « Deport ; Comme a son precedent compte, en actendant infourmer que lesdites ventes ne feussent pas deues et que si eust este fainte ainsi qu’il rapporte. A quoy faire sont commis les seneschal, alloe et procureur de Moncontour ou deux d’eulx ou en rendre garant valable de monseigneur »). (f°19)

* « Item, supplie lui estre alloe et qui lui furent reffusez a son darroin compte que avoit baille a Olivier Gallon ou nom et comme commis de Jehan Mauleon sellond que apparut par quictance dudit Olivier. Et en est somme par or de poys de franc : (12 escuz ; somme barrée). +
(en marge : + « Reffuse comme a son precedent compte, par deffault de garant sauf a lui en faire raison quant il en apparestra deuement combien qu’il ait autreffoiz apparu sur sondit compte, une relacion de Olivier Gallon de les avoir receuz de lui ou nom dudit Mauleon »).

* « Item, supplie lui estre alloe qui lui fut deporte a son darroin compte, pour le four de Yffiniac et en est somme et est pour l’an 42 qu’il disoit ledit four avoir este frost et vacant : 16 sous 8 deniers. (deport).
(en marge : « Deport ; Une foiz pour toutes, en attendant informer a son prochain appurement que ledit four feust frost et vacant et de nulle valeur pour le duc durant ledit temps ; a quoy lui est commis les commissaires dessur nommez »).

* « Item, supplie lui estre alloe qui lui fut reffuse a son darroin compte, la somme de 20 livres que Guion de Carne lors tresorier de monsegneur avoit donne a Guillaume Le Veneur de Cariollet en fait charge du tout desdites ventes. Et pour ce : (20 livres ; somme barrée). +
(en marge : + « Reffuse comme a son precedent compte, par deffault de garant »).

* « Item, supplie lui estre alloe et descharge dont a este mis en depport a son darroin compte, par deffault de apparoir relacion de hommage pour le rachat de Guillaume de la Corbiere. Laquelle il apparest a present et pour ce : 56 sous.
(en marge : « Al ; Et rend relacion de l’(h)ommage fait avenanment »).

* « Et pareillement supplie lui estre alloe et descharge dont avoit este mis en depport a son darroin compte, par deffault de apparoir relacion de l’(h)ommage pour le rachat de Haysete Moesan. Laquelle il apparest a present et pour ce : (2 sous 6 deniers ; somme barrée). +
(en marge : + « Refuse par deffault de garant »). (f°19°)

* « Item, supplie lui estre alloe et mis en descharge et dont il avoit este mis en depport a son darroin compte, par deffault de apparoir relacion de hommage (pour le rachat de la femme ; barré) de l’(h)eritier de feuz Charles Rabel et Olivier Trenchant desquelx Olivier de la Bourdonnoye a cause de sa femme est heritier. Laquelle il apparest a present et pour ce : 7 livres 18 sous.
(en marge : « Al ; Rend relacion de l’(h)ommage »).

* « Item, supplie lui estre alloe et mis en descharge et dont avoit este mis en depport a son darroin compte, par deffault de apparoir relacion de hommage pour le rachat de Jehan Bressel. Laquelle il apparest a present et pour ce : 27 sous 6 deniers. (deport).
(en marge : « Deport ; Pour ce qu’il a verifie avoir en son hostel, relacion de l’(h)ommage, est mis en deport ceste foiz pour toutes, en actendant la rendre »).

* « Item, supplie lui estre descharge et dont avoit este mis en depport a son darroin compte pour le rachat de Olivier Freschet, par deffault de apparoir relacion de hommage. Laquelle il apparest a present et pour ce : 30 sous.
(en marge : « Al ; Et rend relacion de la feaute juree en court pour les heritiers qui sont mineurs.
Et aussi rend relacion de l’(h)ommage fait depuis »).

* « Item, pareillement supplie lui estre alloe et mis en clere descharge et dont avoit este mis en depport pour le rachat de Guillaume Collet, par deffault de apparoir relacion de hommage. Laquelle il apparest a present et pour ce : 29 perrees et demie froment mesure Lamballe.

* « Item, supplie lui estre alloe et mis en clere mise et descharge et dont avoit este mis en deport a son darroin compte, par deffault de apparoir relacion de hommage pour le rachat de Olive Thommas. Laquelle il apparest a present. Et pour ce : 12 perrees froment dicte mesure de Lamballe.
(en marge pour les deux articles : « Al ; Et rend relacions de l’h)ommage fait avenanment »). (f°20)

* « Item, supplie estre descharge et lui estre alloe dont avoit este mis en depport a son darroin compte, par deffault de apparoir relacion de l’(h)ommage du rachat d’un nomme Rabel, par deffault d’apparoir relacion que Olivier de la Bourdonnoye son heritier en eust fait hommage. Laquelle il apparest a present. Et pour ce : 9 livres.
(en marge : « Al ; Et rend relacion de l’(h)ommage »).

* « Item, supplie lui estre alloe et descharge dont avoit este mis en deport a son darroin compte, pa deffault de apparoir relacion de hommage pour le rachat de Perrot Jarno et sa femme. Laquelle il apparest a present et pour ce : 7 livres 10 sous.

* « Item, supplie lui estre alloe et dont il fut mis en depport a son darroin compte, par deffault de apparoir relacion de hommage pour le rachat de Margarite Pervillo. Laquelle il apparest a present et pour ce : 54 sous ; un bouexel seigle.
(en marge pour les deux articles : « Al ; Et rend relacions des hommages faiz avenanment »).

* « Item, supplie semblablement lui estre alloe et mis en descharge et dont avoit este mis en depport a son darroin compte, par deffault de apparoir relacion de l’(h)ommage de Katherine Andre. Laquelle il apparest. Et pour ce : (19 sous 4 deniers ; somme barrée). +

* « Item, supplie lui estre alloe et descharge et dont fut mis en depport a son darroin compte, par deffault de apparoir relacion que le heritier de feu Guillaume Thomas eust fait hommage comme son heritier et auxi apparoir relacion que la doairiere eust saulve son tiers du rachat. Laquelle relacion, il apparest et pour ce : (22 sous 6 deniers ; somme barrée). +
(en marge pour les deux articles : + « Reffuse par deffault de relacions »). (f°20°)

* « Item, supplie lui estre descharge et alloe et dont avoit este mis en depport a son darroin compte pour le rachat de Allain Manuestu, par deffault de apparoir relacion de l’(h)ommage. Laquelle il apparest a present et pour ce : 8 sous 8 deniers.

* « Item, supplie lui estre descharge et alloe dont avoit este mis en depport a son darroin compte pour le rachat de Guillaume Franczoys, en actendant rendre relacion de l’(h)ommage. Laquelle il apparest a present et pour ce : 4 sous 2 deniers 2 tiers de denier.

* « Item, supplie lui estre descharge et alloe et dont avoit este mis en depport pour le rachat de Guillaume Hastinel. En actendant rendre relacion de l’(h)ommage. Laquelle il apparest a present et pour ce : 4 perrees froment Lamballe.
(en marge pour les trois articles : « Al : Et rend relacions des hommages faiz avenanment »).

* « Item, supplie lui estre descharge et alloe et dont avoit este mis en deport a son darroin compte pour le rachat de Bertram Moysson. Et par deffault de apparoir relacion de l’(h)ommage. Lequel il apparest a present et pour ce : 60 sous.
(en marge : « Al ; Et rend relacions de l’(h)ommage fait avenanment »).

* « Item, supplie lui estre alloe et descharge et dont avoit este mis en depport a son darroin compte pour le rachat de missire Estienne Cotte, par deffault de apparoir relacion de hommage. Laquelle il apparest a present et pour ce : 6 livres.
(en marge : « Al ; Semblablement »).

* « Item, supplie lui estre alloe et descharge pour le rachat de la mere Jehan Jouhinnet, par deffault de apparoir relacion de l’(h)ommage. Laquelle il apparest a present et pour ce : 10 sous.
(en marge : « Al ; Semblablement »). (f°21)

* « Item, supplie lui estre alloe un quart de froment mesure de Lambale pour le rachat Jehan Cochet, par deffault de apparoir de l’(h)ommage dont fut mis en deport, en actendant la rendre. Pour ce : (un quart froment mesure de Lambale ; somme barrée). +
(en marge : + « Reffuse par deffault de relacion »).

* « Item, pour le tierz de la doairiere du rachat Jehan Dieulesaint, par deffault d’apparoir que elle l’eust saulve : 8 sous 3 deniers.

* « Item, pour le tierz de la doairiere du rachat Alain de Lessart, par deffault d’avoir apparu hommage de l’(h)eritier.
(en marge pour les deux articles : « Al ; Et appert de l’(h)ommage »).
Et pour la doairiere, par deffault d’avoir apparu que elle l’eust saulve son tierz : (3 sous 9 deniers tiers de denier ; somme barrée). +
(en marge : + « Reffuse comme devant »).

* « Item, pour le tierz de la doairiere du rachat Jehan Conan, par deffault d’apparoir que elle l’eust saulve : 2 justes froment mesure de Saint-Brieuc.
(en marge : « Al ; Et rend relacion de l’(h)ommage »).

* « Item, pour le tierz de la doairiere du rachat Guillaume Gouet, par deffault d’apparoir que elle l’eust saulve : (un quart de perree froment mesure de Moncontour ; somme barrée). +
(en marge : « Reffuse par deffault de relacion »).

* « Item, pour le tierz de la doairiere du rachat Alain Gueheneuc, par deffault d’apparoir que elle l’eust saulve : 26 sous 8 deniers ; 4 justes tierz de bouexel froment ; 2 justes demie seigle.

* « Item, pour le tierz de la doairiere du rachat Jehan Gervese dont fut deporte, en actendant apparoir que elle l’eust saulve : demie perree froment Lamballe.
(en marge pour les deux articles : « Al ; Et appert des hommages »).

* « Item, pour le rachat Guillaume Estienne dont fut deporte par deffault d’apparoir hommage de l’(h)eritier : (25 sous 4 deniers ; somme barrée). +

* « Item, pour le rachat Perrot Pelle dont fut charge a semblable cause : (3 quarz froment Lambale ; somme barrée). +

* « Item, pour le rachat de Colin Morel, par deffault de l’(h)ommage : (3 quarz froment ; 3 quarz seigle ; somme barrée). +
(en marge pour les trois articles : + « Reffuse comme dessur »).

* « Item, pour le rachat de Phelipote Feron, par deffault de l’(h)ommage : 6 perrees froment Lambale.
(en marge : « Al ; Comme devant »).

* « Item, pour le rachat Thomine Le Pelle, pour semblable cause : (une perree et demie froment Lambale ; somme barrée). +

* « Item, pour le rachat Estienne de Combout (du Cambout), pour semblable cause : (30 sous ; somme barrée). +
(en marge pour les deux articles : + « Reffuse comme dessur »). (f°21°)

* « Item, pour le rachat Jehanne de Lessart, par deffault de hommage : (15 sous 6 deniers ; somme barrée).
(en marge : « Reffuse comme devant »).

* « Item, pour le rachat Perrine Choterel, par deffault de hommage : 16 sous.
(en marge : « Al ; Comme dessur »).

* « A son derrain compte, demanda descharge de 8 tonneaulx froment pour Jehan de Lindereuc que le duc lui avoit donne sur le rachat Margerie Piron et Ysabeau du Houlle dont il avoit autreffois compte par deniers, de 17 livres 15 sous 2 deniers ; par froment, 5 tonneaulx 2 perrees mesure de Moncontour. Et par seigle, 2 perrees quart dicte mesure, quelx 8 tonneaulx lui furent reffusez par deffault de garant et relacions d’en avoir joy. Il en appert a present. Et supplie en estre descharge. Pour ce : 8 tonneaulx froment Moncontour.
(en marge : « Al ; Par mandement de monseigneur, verifie valablement »). (f°22)

§ – « Supplicacions des recharges de ce compte » :

* « Ce receveur a este charge par deffault de hom(mag)e pour l’acquest de heritage que fist Alain Houes, pour 6 ans dont demande estre descharge pour ce que n’en a riens receu : (8 sous 6 deniers ; somme barrée) ; 8 sous 6 deniers.

* « Item, a semblable cause, pour les ventes de l’acquest que avoit fait Jehan du Val, pour 6 ans : (48 sous 9 deniers ; somme barrée) ; 48 sous 9 deniers.
(en marge pour les deux articles : « Al et a rendu relacions de l’(h)ommage »).

* « Item, a semblable cause, pour Jehanne Olivier, pour 2 ans : (20 sous ; somme barrée).

* « Item, pareillement, pour l’acquest que fist Guillaume Denis, pour 2 ans : (2 bouexeaulx froment mesure de Saint Brieuc ; somme barrée).

* « Item, semblablement, pour l’aquest que fist Alain de Lessart, pour 2 ans : (4 sous ; somme barrée).

* « Item, semblablement, pour les ventes de l’acquest que fist Olivier Visdelou, pour 2 ans : (16 sous ; somme barrée).

* « Item, semblablement pour Guillaume Chevet, pour 2 ans : (30 sous ; somme barrée).

* « Item, semblablement pour Guillaume Vauvert, pour 2 ans : (7 sous 8 deniers ; somme barrée). +

* « Item, semblablement pour Jehan Morel, pour 2 ans : (25 sous ; somme barrée).

* « Item, semblablement pour Olivier Audouart, pour 2 ans : (2 sous 3 deniers ; somme barrée).

* « Item, pour Jehan de Quengo, pour 2 ans : (23 sous 4 deniers ; somme barrée).

* « Item, pour les ventes de l’acquest que fist Guillaume Chevet de son pere, pour 2 ans : (6 livres ; somme barrée).

* « Item, semblablement pour Guillaume Loveer (Le Voyer ?), pour 2 ans : (2 perrees froment ; somme barrée).
(en marge pour les douze articles : + « Reffuse. Et s’en face paier pour ce qu’il dit avoir arreste les levees desdiz acquestz. Et ne sera plus riens receu a apporter nulles relacions de hommages faiz de ces articles reffusez pour ce que a este trop long temps negligent et en deffaut de les apparoir »).

* « Item, semblablement pour Jehan Goupil, pour 2 ans : (32 sous ; somme barrée).

* « Item, semblablement pour Olivier Visdelou, pour 2 ans : (20 sous ; somme barrée) ; 20 sous +..
(en marge pour les deux articles : « Al ; Et rend relacion de l’(h)ommage »).

* « Item, semblablement pour les ventes de l’acquest que fist Guillaume Pietort de Olivier Botier : 2 perrees froment.
(en marge : « Al ; Et rend relacion de l’(h)ommage fait avenanment »).

* « Item, pour les ventes de l’acquest de heritage que fist dom Michel Groymel de Michel Rebours : 14 sous. (deport).

* « Item, pour les ventes de l’acquest de heritage que fist Eon Rouxel de Rolant Auffray : 2 sous. (deport).

* « Item, semblablement pour les ventes de l’acquest de heritage que fist Geffroy Chouperie, d’un nomme Herault. Supplie estre descharge de ces 3 articles pour ce que dit que Benoit de Boloan qui fut receveur, receut lesdites ventes : 8 sous. (deport).
(en marge pour les trois articles : « Deport ; En actendant s’en faire paier des parties ou dudit Beloan s’il les receupt »). (f°22°)

* « Item, semblablement pour les ventes de l’acquest que fist Guillo Nepvo, par deffault de hom(mag)e, pour 2 ans : (18 sous ; somme barrée). 18 sous. +

* « Item, semblablement pour Pierre Thebauld, pour 2 ans : (10 sous ; somme barrée). +
(en marge : « Al ; Et rent de l’(h)ommage. Reffuse comme devant »).

* « Item, par deffault d’apparoir relacion de l’(h)ommage de feu Guillemet Budes, a este charge de 15 sous. (deport).
(en marge : « Deport ; En actendant s’en faire paier ou rendre a son prochain compte relacion de l’(h)ommage fauit avenanment »).

* « Item, par deffault d’apparoir relacion de la doairiere de Bertran Moeson nommee Pleso Berno, a este charge de 30 sous 7 deniers tierz ; 2 bouexeaulx 2 tierz froment ; 2 tierz chapon. (deport).
(en marge : « Deport ; En actendant de relacion de la doairiere a son prochain compte d’en avoir joy, a peine de lui refuser ledit deport et de 20 livres »).

* « Il a este charge pour le rachat de deffunt Thomas du Breil combien que s’en excusast d’en compter pour ce que leduc en a fait donnaison a Guillaume du Breil son filz, par ses lectres donnees le … (en blanc) jour de … (en blanc) l’an mil 4 C … (en blanc). Supplie en estre descharge pour ce que l’en a laisse joir. Et pour ce : 12 livres 8 deniers ; 18 perrees 2 tierz seigle Moncontour ; un godet froment Moncontour.

* « Il apparut et rendit a son darroin compte, mandement par lequel feu monseigneur avoit donne audit Guillaume du Breil, ledit rachat, ledit mandement verifie du tresorier de monseigneur de present a qui les rachatz de Bretaigne estoient lors ordonnez. Quel mandement demoure en la poche dudit compte, quelle est a Vennes ainsi qu’il est escript audit precedent compte, a 34 feillet. Et pour ce : … (en blanc ; la somme devant être la précédente).
(en marge : « Al »).

* « A son precedent compte, supplie avoir descharge et lui estre fait raison du louage de greniers et dechie de blez de tout le temps que a este officier, esquelx greniers en a garde par annees plus de 400 tonneaulx et lui ont couste de garder, plus de 60 livres dont ne lui fut riens respondu. Encore supplie lui en estre fait raison au plaisir de messeigneurs des comptes.
(en marge : « A son prochain compte ou appurement, veuz ses comptes precedens et aultres comptes des precedens receveurs de Moncontour estans a Vennes, lui en sera fait raison »).

* « Semblablement demanda lui estre fait raison des mises et coustages qu’il avoit euz a faire faire ses comptes et arrolemens de tout son temps dont ne lui fut oncques passe que 4 livres. Supplie a present lui en estre fait raison et pour ce present compte, au bon plaisir de mesdiz seigneurs.

Il lui est passe pour les causes que dessur et pour ce que a este longuement en la chambre avant povoir estre expedie pour l’occupacion qui estoit en ladite chambre : 12 livres 10 sous.
(en marge : « Al »). (f°23)

* « A son precedent compte demanda lui estre fait raison du detrait des taux de la court de Moncontour de l’an 46, tant par ordinaere que office et aussi par les despens du seneschal en faisant lesdiz taux. A quoy lui fut respondu qu’il en seroit fait raison apparessant minu et appurement desdiz taux. Quelx minu et appurement n’a peu recouvrer de Pierre Joczou lors seneschal combien que pluseurs foiz l’en ait requis. Et pour ce supplie, actendu la relacion qu’il en rendit dudit seneschal, lui estre alloe pour lesdites choses. Savoir pour le detrait de l’ordinaere … (en blanc) et pour le detrait d’office. Et pour les despens dudit seneschal en faisant lesdiz taux et quelles sommes il paya. Pour ce : (14 livres ; somme barrée).
(en marge : « Reffuse pour ce que n’a rendu les minuz et appuremens desdiz taux sauf a y avoir yceulx veuz »). (f°23°)

Somme de la descharge et mise clere dudit Noel Le Mintier :

Par monnoie : 590 livres 15 sous 3 deniers tiers.
Par froment : 8 tonneaulx un godet mesure de Moncontour.
Par froment mesure de Lambale : 55 perrees tierz.
Par froment mesure de Saint Brieuc : 6 justes et 6ème.
Par seigle mesure de Moncontour : 18 perrees 2 tierz.
Seigle mesure de Lambale : une perree.
Seigle mesure de Saint Brieuc : 2 justes et demie.
Par chapons : 2 tierz de chapon.

Et en deport, par or : 62 escuz et demi.
Et par monnoie : 200 livres 13 sous 2 deniers poge et tierz de denier.
(en marge : « Ces deportz ont este refonduz en son compte de ladicte recepte fait en juillet l’an 49 »).

Et la charge est par or : 77 escuz et demi.
Par monnoie : 603 livres 18 sous 4 deniers.
Par froment mesure de Moncontour : 26 tonneaulx 4 perrees 2 quartz demi quart et un godet.
Par froment mesure de Lambale : 71 perrees et demie.
Par froment mesure de de Saint Brieuc : 26 justes demie et 6ème.
Par seigle mesure de Moncontour : 12 tonneaulx 3 perrees demie demi quart et 2 tierz.
Par seigle mesure de Saint Brieuc : 7 justes demie et 6ème.
Par avoine mesure de Moncontour : une perree.
Et par chapons : 2 chapons.

Deducion faicte de mise a recepte, reste que seroit deu audit Noel Le Mintier, or ramene a monnoie, 168 livres 15 sous 2 deniers. Et il doit par froment mesure de Moncontour, 18 tonneaulx 4 perrees 3 quarz et demi quart lui apreciez a 4 livres 5 sous le tonnel, vallant 79 livres un sou 3 deniers ; par froment mesure de Lambale, 16 perrees 6ème, vallant audit pris, 7 livres 2 sous 6 deniers. Item, doit par seigle mesure de Moncontour, 10 tonneaulx une perree demie demi quart et 2 tierz lui apreciez a 60 sous le tonnel, vallant 30 livres 18 sous. Item, par seigle mesure de Saint Brieuc, 4 justes 6ème rabatu une perree de Lambale, valant au pris dessurdit, 21 sous. Par avoine mesure de Moncontour, une perree lui apreciee a 3 sous 4 deniers. Et un chapon et tierz apreciez a 16 deniers.

Somme desdiz apreciemens : 124 livres un sou 2 deniers. Et ce rabatu reste que lui est encores deu 44 livres 14 sous. Mettant le depport dessurdit a vray que lui est enjoint faire dedans la Toussains prochaine a peine de lui tourner en rest cler.
(en marge : « Debeteur ; De ce reste il a este paie par son compte fait en juillet l’an 49 »).

Reserve l’enqueste, etc… (sic).

Ce compte conclut a Redon avecques Eonet Eouzan procureur o povoir express de ce faire dudit Le Mintier, par procuracion soubz les seaulx de la court de Moncontour du 10ème jour de juillet l’an 46, passe par Guillaume de Carmene, demeure en la poche de ce compte, le 14ème jour des mois et an dessurdiz.