1580-1592 - Comptes généraux du duché de Penthièvre

Ces comptes ne feront pas l’objet d’un dépouillement exhaustif systématique cependant ceux qui concernent Lamballe, pour partie, seront transcrits.

* 20 juillet 1572 : Compte d’une demie année échue à Noël 1571, des fermes de Lamballe, Guingamp, Moncontour, la Roche-Suhart, l’île de Bréhat, ports et havres et sécheries de Cornouailles. Ce document n’apporte pas grand-chose sur Lamballe (A.D.22, 1 E-57, 6 feuillets papier).

* 25 octobre 1575 : Etat des recettes faites par Louis du Guémadeuc sieur du Vaumadeuc, au nom de Marie de Beaucaire dame de Martigues, pour une demie année échue à la saint Jean-Baptiste 1575, des fermes des ports et havres situés entre le Couesnon et l’Arguenon, des seigneuries de Moncontour, Guingamp, la Roche-Suhart et Bégard. Cet état est fait au manoir du Vaumadeuc et est signé de Louis du Guémadeuc (A.D.22, 1 E-26, 2 pièces papier). Ce compte ne concernant pas Lamballe possède un double rédigé à Nantes en novembre 1575 (A.D.22, 1 E-26, 2 pièces papier).

* 1588 : Etat des deniers reçus par Olivier de Tronguidy receveur général du duché de Penthièvre, pour deux années commencées le 1er juillet 1586 et finies le 1er juillet 1588, des fermes des seigneuries de Lamballe et de Moncontour, des ports et havres situés entre le Couesnon et l’Arguenon et de l’abbaye de Coat Malouen (A.D.22, 1 E-26, une pièce papier). (voir infra)

* 6 octobre 1594 : Compte des recettes faites par Olivier de Tronguidy receveur général du duché de Penthièvre (alors décédé), pour cinq années commencées le 29 août 1587 et finissant à pareil jour d’août 1592. Ce compte mentionne la recette du produit des fermes des ports et havres situés entre le Couesnon et l’Arguenon, des seigneuries de Moncontour et de Lamballe ainsi que de l’abbaye de Coat Malouen. Ce compte est présenté par Jeanne Briquet, veuve d’Olivier de Tronguidy, le 18 septembre 1594. Ce document comporte 5 feuillets et est signé de Marie de Luxembourg ; il existe également un double (A.D.22, 1 E-26). (voir infra)

1580 Lamballe ; Moncontour et autres

Etat de la recette et des dépenses des sommes reçues par Marie de Beaucaire duchesse de Penthièvre, agissant pour le duc et la duchesse de Mercoeur, pour la provision d’offices et d’arrentements de terres incultes dans les seigneuries de Lamballe, Moncontour et sur la terre de Pontgamp-Goméné ainsi que d’autres deniers extraordinaires et ce depuis la fête de Saint-Jean-Baptiste 1579. Cet état mentionne également des taxes dues par des habitants des juridictions de Guingamp, Tréguier et Lannion ; on y trouve également quelques « racquictz » faits par Marie de Beaucaire. Ce document ne fait pas figurer le rédacteur de ce compte. Ce compte fut fait et arrêté à Nantes le 10 juin 1580. Ce document présente 10 feuillets sur papier, la pagination est moderne (A.D.22, 1 E-26).

« Estat au vray de la recepte et despence d’aucuns deniers receuz par haulte et puissante dame Marie de Beauquere duchesse de Penthevre, pour et au nom de tres haux et puissans prince et princesse Philippe Emanuel de Lorrayne et Marie de Luxembourg son espouze, duc et duchesse de Mercueur et provenant de la provision d’offices et arrentementz de terres incultes et in-utiles par la dite dame faictz es terres et seigneuries de Lamballe et Moncontour appartenant a la dite dame duchesse de Mercueur fille de la dite dame de Martigues et aultres deniers extraordinaires depuis la feste sainct Jehan Baptiste 1579 que a finy le temps du compte de l’administration des biens de la dite dame de Mercueur a elle et son dit sieur espoux, rendu par la dite dame de Martigues devant monsieur le senechal de Nantes commissaire du Roy pour l’examen diceluy le vingt uniesme jour de may mil 5 centz quatre vingtz jusques a present, lequel estat la dite dame presente encores ausdits seigneur et dame de Mercueur pour iceluy veoir et verifier. Et premier :
(en marge : « Presenté par ma dite dame de Martigues au sr de Lonbarye lieutenant de la compaignie de monseigneur le duc de Mercueur son procureur special, par acte passe au Chatelet a Paris le 27ème d’avril 1580, signe Carrel et Durot notaires, cy veue, par lequel sr de Lonbarye ou dit nom, le present estat a este verifie sur les acquictz representez par la dite dame ainsy que cy apres est dict »).

Recepte de Lamballe

§ - « Offices » :

* « De Mathurin Le Corgne, pour admettre la resignation de l’ofice de notaire a Lamballe a luy faicte par Clemens Martin, receut la dite dame, douze escuz sol, qui furent obmis a rapporter par l’estat rendu au compte de la dite administration pour ce que le mandement de la dite resignation [f°1°] n’en avoict encores este publie, comme appiert par aultre estat depuis dresse par les officiers du dit Lamballe, le 20ème jour de may 1580,cy apparu soubz le seign des dits officiers. De laquelle somme la dite dame se charge pour les deux tiers, pour ce que la dite terre luy apartient a cause de son douaire. Et pour ce, cy : 8 escuz.
[en marge :] « Verifye par le dit estat cy veu ».

* « Du dit Le Corgne, la somme de six escuz receuz par la dite dame ou mesme temps, pour le pourveoyr en l’estat du procureur es causes du dit Lamballe, qui avoict este aussy obmises a employer ou dit premier estat dont la dite dame se charge pour les deux tiers, montans : 4 escuz.

* « De Jacques Gicquel, pour sa provision en l’office de procureur du dit Lamballe, luy faicte le 16ème de mars 1579, la somme de 6 escuz aussy obmys ou dit estat dont la dite dame se charge des deux tiers, montans : 4 escuz.

* « le 10ème jour d’avril au dit an, la dite dame pourveut Francoys Rolland en l’office de notaire du dit Lamballe, par la resignation d’Ollivier Tronguidy receveur du dit lieu dont elle ne prinst aulcune chose en faveur des fermes du dit Tronguidy. Cy, pour ce : Neant.
[en marge pour les trois articles :] « Item ».

* « Le 16ème de juing ensuyvant, la dite dame receut de Guillaume Jullot, la somme de 28 escuz, pour sa provision de l’office de sergent audit [f°2] Lamballe, vaccant par l’incapacite de Regnault Hingant, qui furent aussy obmis a employer ou dit premier estat. Et pour ce, s’en charge des deux tiers montans : 18 escus 2 tiers.
[en marge :] « Verifie par le dit estat ».

* « Quand aux presentations de l’une des chapelenyes Notre ame de Lamballe, faicte par la dite dame a missire Francoys Hasle au moys de septembre 1579 et de la cure du dit lieu au mesme temps, presente a missire Gilles Tronguidy, la dite dame n’en a receu aulcune chose. Pour ce : Neant.

* « Le 3ème de novembre 1579, la dite dame pourveut Guyon de Lesmeleuc sr de l’Estang en l’ofice de greffier des presentations du dit Lamballe moyennant la somme de quarante escuz, du tout desquelz la dite dame se charge pour ce que la transaction accordee entre le dit sieur et dame de Mercoeur et elle, ilz doibvent joyr en entier de la dite seigneurie de Lamballe depuis le dit terme sainct Jehan 1579. Et pour ce : 40 escuz.

* « Le dit jour, la dite dame fist depescher une provision de notaire en la dite court premiere vaccante et la donne aux habitans du dit lieu, pour ayder a rebastir le clocher de l’eglise de Sainct Jehan du dit Lamballe que le tonnerre avoyct brusle. Et pour ce : Neant.

* « Et le second jour de decembre 1579, Clemens Martin fut pourveu sergend au grand bailliage du dit Lamballe, vaccant par l’incapacite de Gilles Garnier et paya pour ce 215 escuz dont la dite dame se charge au tout pour les causes susdites, cy : 25 escuz.
[en marge pour les trois articles :] « Item ». [f°2°]

* « Le cinquiesme de janvier mil 5 centz quatre vingtz Guillaume Guerin sr de Malaunay fut receu priseur noble en la dite jurisdiction et pour ce paya dix escuz a la dite dame, cy : 10 escuz.

* « Le tiers jour de fevrier ensuyvant Jacques Poulain sr de la Lande fut receu aultre priseur noble en la dite jurisdiction et paya aussy dix escuz. Pour ce : 10 escuz.

* « Le 9ème jour de fevrier au dit an, Georges Huet fut receu aussy priseur noble en la dite jurisdiction et paya pareille somme de 10 escuz : 10 escuz.

* « Le 12ème d’avril Guy de Lesmeleuc sr de L’Estang fut receu procureur des causes du dit Lamballe dont la dite dame luy a donne la provision en consideration de ses services, cy : Neant.
[en marge :] « Verifie par l’estat cy devant ».

* « Le 16ème jour d’avril, Jullien Bertho fut receu priseur noble par la resignation de Guillaume Guerin et paya pour ce : 4 escuz quart d’escu.
[en marge :] « Au rapport de la dite dame ».

* « Aussy a la dite dame receu la somme de 5 escuz 10 sols pour la resignation par elle admise le 9ème juing moys et an present, a Ollivier Beresq, d’un ofice de sergent de la dite court de Lamballe en la paroisse de Planguenoual, resigne au dit Beresq par Clement Martin par avant pourveu diceluy, cy : 5 escuz 10 sols.

§ - « Deniers d’entree » :

* « Le 6ème jour de fevrier 1569, Guillaume de Grippon paya 4 escuz de commission pour le feage luy baille par la dite dame, d’une petite tour pres l’Ave Maria qui avoyct aussy este obmis a employer au dit premier estat dont la dite dame se charge au tout comme de chose pourveue du fonds qui apartient ausdits sr et dame de Mercueur. Et pour ce : 4 escuz.
[en marge :] « Verifie par le dit estat ».

Moncontour

§ - « Ofices » :

« Suyvant l’estat dresse par les officiers du dit Moncontour et delivre a la dite dame soubz leur seing le 26ème de may 1580, se trouve que depuis le 12ème de fevrier 1579 jusques au dabte dicelluy furent pourveuz d’offices, plusieurs particuliers denommez ou dit estat. Scavoir : Rolland Rouillé notaire par la mort de Laurens Mahé, qui paya cinquante escuz solleil ; Chrispofle Ollivier greffier des presentations du greffe du dit Moncontour, qui paya 50 escuz ; Lancelot Le Galloedec priseur noble, pour 10 escuz ; Guillaume Leon aussy priseur noble, pour 10 escuz ; Anthoyne Le Nepvou aussy priseur noble, pour 10 escuz ; Macé Bidault gauleeur, pour 10 escuz ; Julien Carlo aussy priseur, pour 10 escuz ; Guillaume Trobel aussy priseur, pour 10 escuz. Revenant le tout ensemble a la somme de huict vingtz escuz, du tout de laquelle somme, la dite dame se charge pour ce que les dites provisions ont este faictes depuis le dit terme de sainct Jehan auquel les dits sr et dame de Mercueur doibvent joyr du tout de la dite terre. Et pour ce : 160 escuz.
[en marge :] « Veu l’estat signe des oficiers de Moncontour ».

§ - « Deniers d’entree » :

* « Selon le dit estat, la dite dame arrente a Jehan Le Bottey, deux emplacementz au martray du dit Moncontour, pour 52 solz monnoye de rente et 52 escuz d’entrée, par contractz des premier novembre 1579 et 6ème janvier 1580 cy aparuz, au desir desquelz la dite dame se charge des dits deniers d’entree, cy : 52 escuz.
[en marge :] « Idem par le dit estat. Et veu les contractz du dit arrentement cy renduz ». [f°3°]

* « Feu René de Brehant sr de Sainct Eloy se disant procureur du dit feu sieur duc d’Estampes afeagea a feu Jehan Le Douaren de Moncontour, ung jardin et emplacement pres le chateau du dit Moncontour, pour 25 solz tournoys de rente et 80 livres de deniers d’entree et ne se trouvant le dit contract avoir este ratifye par le dit sieur duc, la dite dame auroict mys en proces Anthoyne Le Douaren filz du dit Jehan, pour quicter la provision des dites choses a quoy il auroict este condempne par sentence des juges du dit Moncontour dont il auroict appelle et sur ce faict accord avecq la dite dame le premier jour d’octobre 1579, par lequel afin que les dites choses luy fussent demeurees à condition toutesfois de perpetuel racquict il auroyt payé a la dite dame la somme de 200 escuz, comme est raporté par le dit estat et par le contract sur ce faict cy aparu, suyvant lequel la dite dame s’en charge, cy : 200 escuz.

Pont-Gamp

« De Me Alain de Rye fermier de la terre de Pontgant-Gourmené a este receu la somme de 200 escuz, pour la demye annee de sa ferme finye a Noel 1579 dont la dite dame se charge pour ce que par la transaction d’entre les dits sr et dame de Mercueur et elle, ilz doibvent jouir de la dite terre. Et pour ce, cy : 200 escuz.
[en marge :] « Accepté ».

§ - « Recepte Extraordinaire » :

* « Me Jehan de Fescan ayant faict la recepte des deniers proveneuz des francz fieffz et nouveaux acquestz en ce pais dont le dit feu sieur de [f°4] Martigues avoict don du Roy, sans en avoir de son vivant tenu compte, la dite dame l’y auroyt faict apeller et tant procedé contre luy, qu’il fut condempné par les gens des comptes payer les sommes dont la dite dame s’est soubz son nom chargee en son compte du grand de l’administration des biens de sa dite fille dont il auroict interiecté plusieurs appellations en la court de Parlement avant le jugement desquelles se seroyt avecq grande deliberation ensuy accord entre eulx, le 21ème jour de septembre 1579 par lequel il promist encor payer a la dite dame, la somme de 666 escuz 2 tiers d’escu, vallant deux mil livres, pour demeurer quicte vers la dite dame ou dit nom, de l’administration des dits deniers, restes et debetz du dit compte, sur laquelle elle a seullement receu 333 escuz ung tiers. Et neantmoins se charge du tout de la dite somme dont elle fera vers luy esligement suyvant le dit accord. Et pour ce : 666 escuz 2 tiers.
[en marge :] « Accepté vers les dits accord ».

* « Et quand a la somme qui restoit a recevoir d’un estat et rolle d’aucunes taxes faictes par le senechal de Rennes, le 19ème mars 1567, sur les habitans des juridictions de Guingamp, Lantreguier et Lannyon oultre la somme de 800 livres auparavant receue par le dit de Fescan qui auroyt promys que s’il se trouvoict en avoir esté par luy receu plus que les dites 800 livres, il la payeroit a la dite dame, comme au plus long est contenu au dit accord ratifie par les dits sr et dame de Mercueur le 18ème de decembre 1579, la dite dame ne se charge en avoir receu aulcune chose soict en vertu du dit rolle ne aultrement ce que les dits sr et dame pourroient faire faire ainsy que bon leur semblera. Et pour ce, cy : Neant.
[en marge :] « Excusé veu le dit accord et en sera poursuivy le payement par monseigneur ». [f°4°]

* « Et ne se charge aussy avor receu aulcune chose des 266 livres 15 sols 7 deniers obolle tournoys en quoy Chrispofle Preudhomme fermier des seigneuries de Guingamp et Bourbriac en l’an du rachapt du dit feu sieur de Martigues demeure redevable par le compte qu’il en rendit a la dite dame le 21ème jour de septembre 1579 ny de Georges Deshayes lors fermier du domaine du Roy à Rennes qui fut condempne en acquicter le dit Preudhomme. A quoy les dits sr et dame les pourront pour leur interestz et faire apeller et contraindre suyvant le dit compte cy aparu. Et pour ce : Neant.
[en marge :] « Excusé veu le dit compte et pourra monseigneur sy bon luy semble faire poursuyvre le poyement du dit reste ».

* « De Jehan Gouriou, pour les ventes du lieu de Trogordec, boys vendu par Francoys de la Tour sr de Penestang, à Claude du Dresnay, pour la somme de 3000 livres. Les dites ventes escheues en l’an du rachapt du dit feu sr de Martigues, a este receu la somme de 125 escuz solleil dont la dite dame se charge pour les deux tiers, montans 83 escuz tiers d’escu. Et pour ce : 83 escuz tiers escu.
[en marge :] « Au raport de madite dame ».

Somme totalle de la charge du present compte, monte a la somme de quinze cens troys escuz cinq solz. [f°5]

Despence

§ - « Racquictz de certaynes rentes par avant vendues en la seigneurie de Lamballe » :

* « Par contract du 5ème jour d’aougst 1558, Rene de Brehant sr de Sainct Eloy et Herve Bouillye sr de la Ville Gle, comme procureurs de feu monseigneur le duc d’Estampes, vendirent a Bertran Halna, le nombre de 31 sols monnoye de rente, par luy deue au dit sieur, sur sa maison au dit Lamballe et 18 sols 2 deniers monnoye qui deue estoyt au dit sr par Francoys Martin, sur deux maisons et jardrins luy apartenant au dit Lamballe, pour la somme de 60 livres en principal. Lequel contract fut par le dit seigneur ratifye le 9ème de novembre audit an et en a este par la dite dame faict racquict pour reduir les dites rentes a la seigneurie du dit Lamballe, en payant a Jacques Halna filz du dit Bertran, pur luy et ses coheritiers, la somme de 20 escuz tiers d’escu, par cate du 29ème jour d’octobre 1569 cy rendu avecq le dit contract. Et pour ce : 20 escus tiers d’escu.
[en marge] : « Veu le contract de vente et d’acquict cy veu et rendu ».

* « Par aultre contract du dit 5ème d’aougst an 1558, les dits de Brehant et Bouillye ou dit nom, vendirent a Chrispofle Lemarchant, la somme de 18 sols monnoye de rente, par luy deue au dit sr duc, sur une maison luy apartenant au dit Lamballe et 6 sols aussy monnoye de rente par le dit Lemarchant aussy deue au dit sieur sur la maison ou il estoit demeurant au dit Lamballe, pour la somme de 24 livres monnoye en principal. Lequel fut pareillement ratifie par le dit sieur, le 29ème jour de novembre audit an et en a este faict racquict par la dite dame, en payant a Guillaume de Lorgeril escuyer et a [f°5°] Jacques Poulain, pour eulx et leurs femmes, filles du dit Lemarchant, la somme de 9 escuz 2 tiers et 16 sols, par acte du 30ème octobre 1579 cy rendu avecq le dit contract. Et pour ce : 9 escuz 2 tiers 16 sols.
[en marge au bas du folio 5 :] « Veu le contract de vente et d’acquict cy rendu ».

* « Par aultre contract du dit 5ème d’aougst 1558, les dits de Brehand et Bouillye ou dit nom, vendirent a Guillaume de Grippon, le nombre de 55 sols monnoye de rente en quatre parcelles qui deue estoit au dit sr en sa dite seigneurie de Lamballe, sur les choses mentionnees au dit contract, pour la somme de 22 escuz, pour le retraict de laquelle rente, icelle dame paya a Guillaume de Gripon, pour luy et ses coheritiers enfans du dit de Gripon, la somme de 22 escuz tiers d’escu sol, par acte du 30ème octobre 1579 cy apparu. Et pour ce : 22 ecuz tiers escu.
[en marge :] « Veu le contract et racquict cy veu et rendu ».

* « Par aultre contract du mesme jour 1558, les dits de Brehant et Bouillye ou dit nom, vendirent encores a Guillaume Le Texier, la somme de 12 sols et 16 sols 6 deniers monnoye par luy deue au dit sieur, sur deux maisons luy apartenant au dit Lamballe, pour la somme de 28 livres 10 sols monnoye. Lequel contract fut ratifie par le dit sieur le 29ème novembre au dit an et racquicte par la dite dame en payant au dit Le Texier la somme de 11 escuz 2 tiers et 4 sols tournoys, par acte du dit 30ème octobre 1579 cy rendu avecq le dit contract. Et pour ce : 11 escuz 2 tiers escu et 4 livres.
[en marge :] « Alloue ; Veu le contract et racquict cy veu et rendu ».

* « Pour la facon des actes des dits contractz a este paye aux notaires par chacun diceux, la somme de 20 sols tournoys. Qu’est pour les quatre, ung escu tiers, cy : un escu un tiers.
[en marge :] « Alloue ».

* « Pour l’acques faict par la dite dame, de cinq perrees froment de rente faisant moictye de dix perrees deues chacun an sur la seigneurie de Lamballe au prieur de Sainct Martin du dit lieu, qui furent par [f°6] commission du Roy vendues pour sa part des 50 escuz prins par sa magesté sur les benefices de ce royaume, la dite dame a rembourse par les mains d’Ollivier Tronguidy fermier du dit Lamballe, la somme de 3 escuz 12 livres 2 sols 6 deniers tournoys, a Jacques Haugommar qui les avoit payez pour le dit acquest, au receveur des deniers de la dite vente et en rend le contract dabte le 5ème juillet 1577, quictance de la dite somme, signee du dit receveur, du 20ème may au dit an, acte comme le dit Haugommar en fut rembourse par le dit Tronguidy estant au pied de la dite quictance du premier jour de septembre au dit an et aultre acte du ... [en blanc] jour de ... [en blanc] 157., comme la dite dame en a rembourse le dit Tronguidy, lequel en doibt joyr par son dernier bail a ferme de la terre de Lamballe, qui a d’autant augmenté et duquel les dits sr et dame se feront payer par le dit Tronguidy comme estans fondez a jouir du tout de la dite terre au moyen de leur transaction avecq la dite dame et est partant raisonnable qu’elle soict par eulx remboursee des deniers du dit acquest a laquelle fin ilz sont employez en despence cy valloir 10 escuz 2 sols 6 deniers tournoys.
[en marge] : « Alloue ; Veu le contract et quictance fors celle du dit Tronguidy vers lequel la dite dame acquictera ».

§ - « Deniers payez a mondit seigneur le duc de Mercueur » :

« A este par la dite dame au dit seigneur, la somme de cent soixante six escuz deux tiers vallant 500 livres des deniers par elle receuz et dont elle s’est cy devant chargee pour les offices de chordeurs et priseurs et arentementz es dites juridictions selon le blanc signe de sa main le ... [en blanc] jour de decembre 1570 cy rendu. Et pour ce : 166 livres 2 tiers escu.
[en marge :] « Alloue ; Veu le blanc de monseigneur cy rendu endosse pour semblable somme ». [f°6°]

§ - « Debtes Mobilieres » :

* « Il estoit deu a Guyon Forchon fossoyeur, la somme de 7 livres 11 sols tournoys, pour parpayement des fossez qu’il avoict faictz a Lanjouan, selon la certification de Me Blaise Symon ayant charge des affaires de feu mondit sieur d’Estampes a Lamballe, du 15ème fevrier 1565, laquelle somme luy a este payee par la dite dame et en rend cy quictance du 28ème octobre 1579 avecq la dite certification. Et pour ce : 2 escuz et demy un sol tournoys.
[en marge :] « Alloue ; Veu la dite certification et quictance ».

* « Pour raison des sommes de cent cinquante escuz sol deubz par feu mondit seigneur d’Estampes, a Anthoyne Mellin, par sentence des conseillers du Tresor a Paris, du 21ème may 1553, confirmee par arrest de la court de Parlement a Paris du 4ème d’aougst 1558 avec adjudication de despens et interestz de 655 livres tournoys aussy deue par le dit sr a Jehan de Collody, par sentence des requestes du Palais, du 8ème juing 155. [sic] et de 4424 livres que pareillement le dit sr debvoyt par cedule a Anthoyne et Loys Bon-Visy cause ayans de Gilly et Menochy Lucquois, pour lesquelles sommes, despens, dommages et interestz des dits proces pour ce meuz, Honosle Meslin nepveu et heritier du dit Anthoyne Mellin curateur aux biens vaccans du dit Collody et procureur des dits Bon-Visy ou dit nom, s’estoyt rendu opposant au benefice d’inventaire du dit feu sr duc d’Estampes par devant le senechal de Rennes, se seroict le 24ème jour d’octobre 1579. Ensuy accord entre Me Claude Prevost procureur de la dite dame et au nom des dits sr et dame de Mercueur d’une part et [f°7] le dit Honosle Meslin es dits noms d’aultre, par lequel pour les dits sr et dame de Mercueur demourer quictes des dites parties montant ensemble : 1509 escuz 2 tiers, despens, dommaiges et interestz dessurdits fut promis au dit Meslin, icelle somme principale de 1509 escuz 2 tiers a certains termes mentionnez au dit accord, ratifye par la dite dame le 4ème jour de decembre ou dit an et par les dits sr et dame de Mercueur le 18ème des dits moys et an suyvant lequel la dite dame a seulement paye au dit Meslin la somme de 377 escuz 25 sols tournoys a valoir sur la dite somme, par quictance du 14ème de mars 1580, le tout de laquelle somme toutesfoys elle employe cy en vertu du dit accord et quictance cy aparuz comme estant obligee au payement dicelle dont elle acquictera les dits sr et dame de Mercueur. Et pour ce, cy : 1509 escuz 2 tiers.
[en marge au bas du folio 6° :] « Alloue ; Veu le dit accord cy rendu et sera madite dame de Martigues tenue d’acquicter le pardesssur ».

* « Par aultre accord du mesme jour 24ème d’octobre 1579 faict par le dit Me Claude Prevost ou dit nom avecq le dit Honosle Meslin ayant le droict cede par les heritiers du feu sr de Longueval, de la somme de 500 livres tournoys, a prendre sur les erreaiges de la somme de 708 livres 6 sols 8 deniers rente, qu’ilz pretendent leur estre deue par le dit feu sr duc d’Estampes et pour laquelle ilz ont meu proces a l’encontre de la dite dame ou dit nom, qui est encores pendant, fut davantaige promys au dit Meslin la dite somme de 500 livres au moyen de laquelle [f°7°] promesse et en faveur du dit premier accord. Il quicta aussy de la dite somme de 500 livres, despens, dommages et interestz dicelle, comme est raporte par le dit accord, ratifie les jour et an susdits par les dits sr et dame de Mercueur et par la dite dame qui en rend les actes, pour avoir mise de la dite somme reduite a 166 escuz 2 tiers escu, comme estant oblige » en faire payement au dit Meslin. Et pour ce : 166 escuz 2 tiers.
[en marge au bas du folio 7 :] « Alloue ; Veu le dit accord a la charge que madite dame acquictera le contenu en iceluy ».

* « A este aussy par la dite dame paye a Jehan Audouard, la somme de vingt escuz solleil, pour plusieurs brevetz de despences faictes en sa maison et par luy fournyes aux gens et serviteurs du dit feu sr de Martigues que la dite dame rend cy endroict avecq quictance du contenu en iceux, dabtee le neufviesme jour de septembre 1576, qui a este obmise a employer au compte general de l’administration des biens de sa dite fille. Et pour ce, cy : 20 escuz.
[en marge :] « Alloue ; Veu les partyes et quictances cy rendues ».

* « Par mondit sieur de Martigues avoict receu de Toussainctz de la Chasse et de Jehanne Georges veufve de feu Me Jehan Le Corvaisier conseiller en la court de Parlement de ce pais, sr de Pellaine, la somme de 250 livres, pour laquelle il l’avoict quictee de cinq cens livres en quoy elle avoict este taxee pour le debvoir de francq fiefz et nouveaux acquestz en ce pays dont il avoict don du Roy de [f°8] laquelle somme neantmoins ayant este contraincte faire payement a Me Jehan de Fescan receveur de ses deniers et dont il s’estoit charge en ses comptes ... [en blanc] Le Corvaisier sr de Peslaine son filz et heritier auroyt mis en proces la dite dame au dit nom, pour les luy rendre suyvant la dite composition a quoy elle auroict este condempnee par les juges de Rennes avecq despens dont elle auroyt appelle et depuis trouvé par conseil y debvoir acquiescer, ce qu’elle auroict faict et mandé a Me Sebastien Caradeu son procureur au dit Rennes, e accorder avecq le dit Pellayne, ce qu’il luy a mandé avoir faict a la somme de 200 escuz sol. Quelle demande luy este cy passez a la charge d’en faire l’acquict sur les deniers restans a recevoir du dit Fescan, du tout desquelz elle s’est cy devant chargee. Et pour ce, cy : 200 escuz.
[en marge :] « Alloue ; Veue la lettre missive de Caradeu procureur a la charge que madite dame de Martigues acquictera ».

§ - « Fraiz de proces et voyages faictz pour les affaires des dits sr et dame de Mercueur en l’an 1580 :

* « A Me Claude Prevost fut le 13ème janvier 1580, par elle envoyé la somme de 500 livres tournoys en deduction de ce qui est encores deu de la rescompense promise a la veufve du feu argentier Benoist [f°8°] ayant de son vivant la charge des affaires de la maison à Paris. De laquelle luy reste encores environ la somme de ... [en blanc] dont les dits sr et dame de Mercueur pourront faire l’acquict en retyrant les papiers qu’elle a par devers elle et ce pendant employe cy la dite dame icelle somme de 500 livres en vertu du recepisse du dit Prevost suyvant lequel les dits sr et dame de Merceur la luy ont depuis faict delivrer. Et pour ce, reduicte a escuz : 166 escuz 2 tiers.
[en marge au bas du folio 8 :] « Alloue ; Veu le récépissé du dit Prevost cy veu et rendu ».

* « A Jehan Bourdon de Remigny argentier de la dite dame a envoyé expres à Paris, pour les affaires des dits sr et dame de Mercoeur, porter lettres touchant les jupilles, fut par la dite dame baille le 13ème janvier 1580 : 20 escuz.
[en marge :] « Alloue ; Veu le papier de boiste de Madame et ouy le dit argentier ».

* « A Francoys de Bruc escuyer sr de Guiliers, envoyé par la dite dame à Rennes, pour le faict de la saesye mise à requeste de la dame d’Estampes, sur les terres du duche de Penthevre a estre payé selon ses parties cy rendues du 21ème janvier 1580, la somme de 32 livres 5 sols 6 deniers, vallant reduicte a escuz, cy : 10 escuz 2 tiers escu 5 sols 6 deniers.
[en marge :] « Alloue ; Par parties signees du dit de Bruc ».

* « A Me Charles Ferault procureur des dits sr et dame de Mercueur en la court de Parlement à Paris, a este payé pour ses estreynes selon la missive du 6ème fevrier 1580 cy aparue, la somme de 6 escuz.
[en marge :] « Alloue ; Par missive portant quictance ». [f°9]

* « A Guyon de Lesmeleuc sr de L’Estang, pour plusieurs mises qu’il avoict faict touchant les affaires des dits sr et dame de Mercueur mentionnees en ses parties cy aparues soubz son seign, dabtees le 22ème de fevrier 1580 a este par la dite dame rembourse la somme de 151 livres 12 sols et deux escuz deux tiers, pour s’en retourner de Nantes à Lamballe, vallant le tout 53 escuz 12 sols tournoys.
[en marge :] « Aloue ; Veu les parties de la dite despence cy rendues ».

* « Le 22ème fevrier 1580, la dite dame envoya dix escuz sol a Me Sebastien Caradeu procureur des dits sieur et dame de Mercueur à Rennes, pour les fraiz de leurs proces au dit lieu. Et pour ce : 10 escuz.
[en marge :] « Alloue ; Suyvant le papier de boiste de Madame sur ce ouy le sieur de Guiliers qui a certifie avoir delivre les dits 10 escuz au soliciteur estant a Rennes ».

* « A Thiennette Le Grosse lingere, a este par la dite dame payé la somme de 11 escuz 2 tiers, pour demye annee de la pension, nourriture et aprentissage de Marie Helo fille de la nourrice de Madame de Mercueur estant avecq la dite La Grosse, finye a Noel dernier, par quictance du 23ème fevrier 1580. Cy, pour ce : 11 escuz 2 tiers escu.
[en marge :] « Alloue ; Veu la quictance de la dite Thiennette ».

* « Le premier jour de mars 1580, la dite dame a envoyé 20 escuz par Me Michel Masseau procureur des Essars, a Me Prevost ayant charge des affaires des dites sr et dame de Mercueur à Paris, pour les fraiz du proces qu’ilz y ont pendant, cy : 20 escuz.
[en marge :] « Alloue ; Suyvant la lettre du dit Prevost portant reception de la dite somme ». [f°9°]

* « Le 13ème d’avril au dit an, la dite dame bailla a de la Fordz 4 escuz au moyen desquelz il luy a promis rendre certaines lettres touchant Montafillant, cy : 4 escuz.
[en marge :] « Alloue ; Suyvant le papier de boiste de Madame ».

* « Au dit Prevost, pour ses gaiges de la demye annee finye a Pasques daroin1580, a este par la dite dame envoyé pour le sr Loret en may daroin, cent livres tournoys vallant 33 escuz tierz.
[en marge :] « Alloue ; Requere quictance ».

* « A Me Jean Le Provost senechal de Lamballe, qui a au nom des dits sr et dame de Mercueur asisté a la reformation de la coustume de ce pais, pour la consecration de leurs droictz, a este payé la somme de 14 escuz tiers d’escu par ses parties et quictances du 28ème may 1580 cy rendues et pour ce : 14 escuz tiers escu.
[en marge :] « Alloue ; Veu sa lettre missive en parties de la dite despence cy rendues ».

* « Pour avoir envoyé expres ung homme a Lamballe et Moncontour, recouvrer les proces verbaux des officiers et deniers casuelz renduz sur ce present estat, a esté par la dite dame payé 4 escuz et demy.
[en marge :] « Alloue ».

* « A este par la dite dame faict achepter de la sarge de scot pour faire une robe a la dite Marie Helo fille de la nourrice de madite dame de Mercueur, qui a couste 4 livres 2 sols 6 deniers vallant un escu tiers escu 2 sols 6 deniers.
[en marge :] « Alloue ».

* « A la lingere, qui avoyt la dite Marie chez elle, a este payé pour ung quartier de sa pension, finy en mars dernier, la somme de 17 livres 10 sols tournoys, cy vallant : 5 escuz 2 tiers 10 sols.
[en marge :] « Alloue ; Item ». [f°10]

* Au conseil des dits sr et dame de Mercueur estant en ce pais, pour la solicitation et conduite de leurs proces et affaires a esté comme de coustume payé la somme de 125 livres. Scavoir es mains du soliciteur des dites affaires à Rennes, 100 livres, pour les gaiges de ceux du dit conseil qui y sont demeurans et aux srs Andre et Boutin demeurans à Nantes, a chacun 12 livres 10 sols selon les quictances cy rendues. Et pour ce : 41 escuz 2 tiers escu.
[en marge :] « Alloue ; Par quictances cy rendues ».

* « Pour aultres fraiz faictz par le dit sr de L’Estang, pour les affaires et service des dits sr et dame de Mercueur mentionnez en l’estat qu’il en a rendu a la dite dame de Martigues et qu’elle represente cy endroict, a esté par elle payé la somme de cinq escuz dix solz tournoys.
[en marge :] « Alloue ; Par parties cy rendues ».

* « Pour menuz fraiz concernant les dites affaires, a esté par la dite dame payé selon l’extraict du papier journal de sa despence cy aparu et verifie par ses Me d’hostel et argentier, la somme de 22 livres 17 sols tournoys qu’elle mect cy en despence, reduictz a 7 escuz tiers 17 sols.
[en marge :] « Alloue ; Par l’extraict du dit papier cy rendu ».

* « Et n’est en ce comprins le revenu des terres apartenant en propriété ausdits sr et dame de Mercueur en Provence et Savoye auparavant les termes sainct Andre et Noel 1579, duquel la dite dame entend joyr en vertu de son usus-fruict et que s’il se trouve le dit sr duc en avoir touche aucune chose davantage que ce qui a este alloue au compte de la dite dame, les dits sr et dame de Mercueur seront tenuz le luy rendre ou precompter sur le tiers de 20.000 livres d’arerages pretenduz par la dame d’Estampes auquel la dite dame est tenue par la transaction d’entre eulx.

Somme totalle de la despence du present estat a la somme de eux mil six cens cinquante cinq escuz douze solz six deniers tournoys et la recepte a monté à la somme de quinze cens troys escuz cinq solz tournoys. Partant seroyt deu a la dite dame de Martigues, pour avoir plus mys que receu, la somme de unze cens cinquante deux escuz [f°10°] sept solz six deniers tournoys qui demeureront es mains de mes dits sr et dame de Mercueur, pour tenir lieu de pareille somme sur le tiers des vingt mil livres pretendu par la dite dame d’Estampes a cas que les dits sr et dame fussent contrainctz luy en faire payement en suyvant la transaction ce jour d’huy faicte entre madite dame de Martigues et le dit sr de la Louberye ou dit nom de procureur des mesdits sr et dame de Mercueur.

Fait et arreste à Nantes, le dixiesme jour de juing mil cinq cens quatre vingt sauf tout erreur de compte et calcul.

[Signatures :] Marie de Beauquere ; de la Louberie ; Guillaume de Bruc present ; de Bruc ; Verdeilh.

1586-1588 Lamballe ; Moncontour ; Ports et havres ; Abbaye de Coat Malouën

Etat des deniers reçus par Olivier de Tronguidy receveur général du duché de Penthièvre, pour deux années commencées le 1er juillet 1586 et finies le 1er juillet 1588, pour les fermes des seigneuries de Lamballe et de Moncontour, des ports et havres situés entre Couesnon et Arguenon et de l’abbaye de Coat Malouen. La ferme de Lamballe était alors aux mains d’Olivier de Tronguidy et de Guy de Lesmelleuc sieur de L’Etang, procureur fiscal de Lamballe. Ce compte est signé de Roland Mahé procureur et gendre de Jeanne Bricquet veuve d’Olivier de Tronguidy décédé lors de la rédaction de celui-ci (A.D.22, 1 E-26, une pièce papier, 14 feuillets).

« Breff estat, tant en charge que decharge des deniers provenant des fermes des pors et havres d’entre Couesnon et Arguenon, signeurie de Moncontour, d’aultant que en touche a Ollivier de Tronguidy recepveur general du duché de Penthevre et de la somme de mille escuz que a receuz de Jan Damars fermier de l’abaye de Couet Malouan comma auxi du revenu de la ferme de Lamballe dont estoient fermiers Guy de Lesmelleut sr de l’Estang et le dit Tronguidy, lequel estat il rande a monsigneur le duct de Mercueur et Penthevre, pair de France, prince du Sainct Enpire, chevallier des deux ordres du Roy et le dit estat pour le regard de la ferme du dit Lamballe par le temps de deux ans commansez le premier jour de juillet mil cinq centz quattre vingtz seix et finirent le premier jour de juillet dernier a present mil cinq centz quattre vingtz huict. Et premier :

* « Pour charge par chaincunne des dites annees, de la somme de sept mille [livres] tournois, qui est le prix acorde par l’acte de la dite ferme estant en datte du dixiesme jour d’aougst mil cinq centz quattre vingtz ung et font les dits comptable la dicte charge [f°1°] sauf decharge et raison en misse comme [ ?] davant pour les dits deux ans, quatorze mille livres tournois, cy : 14000 livres tournois.

* « Plus se charge le dict recepveur comptable avoir receu de Jan Le Brethon capitainne Laulnay fermier des dits pors et havres, pur la demye annee escheue au terme de Nouel que l’on comptat mil cinq centz quattre vint sept, la somme de seix centz trante trois escuz ung tiers revenant a la somme de dix neuf centz livres tournois, cy : 1900 livres tournois.

* « Item, pour le dict terme de Nouel mil cinq centz quattre vingt sept, le dict recepveur comptable faict charge de la somme de mille escuz que il recceu de Robert Delis sr de la Lande Fermier de la dite signeurye de Moncontour, cy pour ce : 3000 livres. [f°2]

* « Le dict recepveur comptable faict charge avoir receu pour le terme de feubvrier mil cinq centz quattre vingt sept , de Jan Le Bottey fermier des greffes du dit Moncontour, la somme de huict vingtz seix escuz deux tiers eyt pour ce : 550 livres tournois.

* « Mesme receu le huictiesme de janvier mil cinq centz quattre vingt huit, de Me Jan Damars fermier de l’abbaye de Couet Maloan, la somme de mille escuz et pour ce : 3000 livres tournois.

* « Oultre le dict comptable se charge de la somme de deux centz escuz, pour la vante des boys de la forest de Maroue et trante huict escuz et demy comme couste par les vantes faictes des dits boys par monsieur le tresorier Le Bon ... au dict comptable, dattee [f°2°] des neufiesme et unziesme novembre mil cinq [centz] quattre vingt seix, cy : 715 livres 10 sols.

* « Item, le dict comptable faict charge de la somme de seix centz escuz que a receu du dit sr de la Lande Fermier de Moncontour, a valloir sur le terme de sainct Jan denier mil cinq centz quattre vingt huict, cy pour ce : 1800 livres.

* « Pour le mesme terme, le dit comptable faict charge pour les fermes des dits greffes pour la demye annee, l’une dicelle echeue le moys d’ougst dernier, de huict vingtz seix escuz deux tiers, cy : 500 livres tournois.

« Mises, poymant et acquitz » :

* « Demande et suplye le dict comptable mondict signeur [f°3] luy estre mis en decharge et aquit, la somme de quinze centz quarante trois escuz ung tiers reduict a livres, mille seix centz trante livres, comme couste par aquit en obtenu du dit sr Le Bon le saziesme jour d’aougst mil cinq centz quattre vingtz sept, cy : 4630 livres.

.* « Plus demande le dict comptable a mondict signeur, luy estre mis en rabeix et decharge de la somme de seix centz escuz qu’il a poye a madicte dame, comme couste par l’aquit en obtenu de madicte dame, dacte du quart jour de novembre mil cinq centz quatre vingtz sept, qui est par livres, dix huict centz livres, cy : 1800 livres.
[en marge :] +

* Le dict comptable suplye mondict signeur luy meptre en rabeix et decharge, la somme de trois mille deux centz escuz, qu’il poya a Francois de Bruc ecuier sr de [f°3°] Guilliers, par le commandemant de madame estant par misive dattee du vingt troiziesme jour de decembre mil cinq centz quattre vingtz sept, lequel avoit poye la dite somme a madicte dame pour le dit comptable, comme este par quictance du vingtz et huictiesme janvier mil cinq centz quattre vingtz huict, cy pour ce : 9600 livres.
[en marge : +]

* « Item, demande luy estre alloue et mis en rabeix la somme des dix vingtz escuz, qu’il a debourse pour ce qu’est par luy faict pour mondict signeur, de Jan Le Viconte ecuier sieur de la Ville Vollette, des fieffz de Fumelet, le Compte de la Ville Hamon, le Buschon Videlou et aultres mentionnez plus enplemant par le dit contrat datte du dix neufiesme jour de decembre mil cinq centz quattre vingtz sept. [f°4]
[en marge : +]

* « Item, suplye le dit comptable, mondict signeur luy allouer et meptre en decharge la somme de deux escuz vingtz soulz tournois, qu’il luy a couste pour retirer de Jan Morell et Jan Cades notayres qui auroint raporte le dict co[en marge : +]

* « Auxi demande le dict Tronguidy comptable, qu’il plu a mondict signeur luy alouer et meptre en decharge la somme de vingtz escuz, revenant a soixante livres tournois, qu’il a poye a Jan Pesrin mary et procureur de Alliette Begase, pour l’acquest qu’il a faict pour mondict signeur, du petit pre qui faict partye du pre du moulin apartenant a mondict signeur, comme couste plus emplemant par le dict contract, le dict acquest datte du vingtz deuxiesme jour de septembre dernier et a este le dit acquest faict par le dit deTronguidy par ce que ceux qui jouissoint du dict pre de ... tous les ans le fain [foin] du pre de mondict seigneur, une charetee et plus a raison que il n’i a entre les dits pres aucune separation. Et pour ce : 55 livres. [f°4°]
[en marge :] « + ».

* « Demande oultre le dict comptable que plaise a mondict signeur, luy allouer la somme de ung escu et demy, qu’il luy coustera pour retirer en parchemin des notayres qui rapportent le dit contract, cy pour ce : 4 livres 10 sols.
[en marge :] « + ».

* « Item, le dict Tronguidy demande et suplye mondict signeur, luy estre mis en rabeix et decharge la somme de trante escuz, qu’il a poye par le commandemant de madame a maistre Jacque de Carmene sr du Gue procureur fiscal de la juridiction de Moncontour, depandant du dict duche de Penthevre, la quictance estant au pied du dit commendemant, dattee du septiesme jour de janvier mil cinq centz quattre vingtz huict, cy : 90 livres.
[en marge :] « + ».

* « Plus, les dits de Lesmelleuct et de Tronguidy leurs fermiers predictz demandent leur estre alloue et mis en rabeix, pour les dits deux ans, cinquante tonneaux bled meteal, pour la non [f°5] jouissance que n’ont faict ny peu faire des grand moullins du Pont Neuf, a raison des grandes ruynes y advenues, revenant les dits cinquante tonneaux ble meteal a seix centz pesrees, qui ont vallu par chaincun des dits deux ans, au marche de la dite ville de Lamballe, l’une aydante l’aultre, deux escuz et demy, reviendrait dix huict cents escuz, cy : 6400 livres.
[en marge :] « + ».

* « Le dict Troquidy comptable demande et suplye qu’il plaise a mondict signeur de luy meptre en rabeix la somme de unze centz quattorze escuz dix solz tournois, qu’il a de Jan Pantaleon argentier de mondict signeur, comme cousta par l’aquit de ce datte du saziesme juillet mil cinq centz quattre vingtz huict et pour ce : 3342 livres 10 sols.

* « Item, le dict Tronguidy comptable, a poye a monsieur Le Bon, deux centz trante huict escuz trante soulz tournois, pour la vante [f°5°] des boys de la forest de Maroue et du Boscaige, comme couste par les aquitz en obtenuz de luy estant au pied de chaincunne des dites ventes, dattee des dix neufiesme feubvrier et treziesme may dernier, cy : 715 livres 10 sols.

* « Item, icelluy de Tronguidy mept en rabeix la somme de vingtz huict escuz, qu’il a poie a Jan Besageay coupvreur de pierre ardoisse, pour les deux levees dernieres, la somme de quattorze escuuz luy promis par chaincun an, pour entretenir les chasteau de Lamballe, Lanjouan, de Moncontour et escuryes du Boscaige, faisant somme par livres, quattre vingtz livres tournois par an, cy : 160 livres tournois. [f°6]
[en marge :] « + ».

* « Plus le dict Tronguidy comptable demande et suplye mondict signeur qu’il luy plesse meptre en rabeix la somme de trois centz dix sept escuz vingtz soulz tournois, qu’il a poye a monsieur le tresorier le pla.. con..yce de monsieur gene.. Bordreu, cy pour ce : 317 livres [sic ; Note personnelle : devrait faire 952 livres à moins que dans le paragraphe, il s’agisse d’une erreur 317 écus pour 317 livres]

* « Aussy demande luy estre alloue et mis en rabeix, la somme de soixante et quinze escuz, qu’il a poye a Nouel Rouxel jardrinier, pour les gaiges luy ordonnez par mondict signeur, pour la fason et entretien des dits jardins du Champ a l’avoir, qui est par chaincun an, la somme de trante escuz, cy pour ce : 125 livres.
[en marge :] « + ».

* « Plus, demande luy estre mis en rabeix la somme de quattre vingtz livres tournois, pour la non jouissance qu’il a faict des jardrins de Lanjouan, qui est par chaincun an, quarante livres, qu’est le prix par cy davant faict es precedant comptes que a tenus le dit Tronguidy, cy pour ce : 80 livres. [f°6°]
[en marge :] « + ».

* « Mesme, le dit Tronguidy demande et suplye luy este alloue et mis en decharge la somme de seix escuz qui reviennent a dix huict livres tournois, qu’il a baille et poye a Mathurin de Lesmelleuc sieur de la Ville Doue soliciteur pour les affaires de mondict signeur à Rennes, par causes et suivant ung acte en baille par monsieur Duchapeau estant en datte de l’unziesme mars dernier, la quittance est au pied, cy pour ce : 18 livres.
[en marge :] « + ».

* « Item, le dict Tronguidy suplye luy estre alloue et faict rabeix de vingtz cinq escuz, pour la jouissance que mondict seigneur fist l’an mil cinq centz quattre vingtz seix des prez du desur les pavez auquel prix il souilloict les affermer comme s’en voye par les precedant comptes que a tenu a mondict signeur, cy reduict a livres, remenant a soixante quinze livres tournois, cy : 75 livres.
[en marge :] « + ». [f°7]

* « Plus, a baille a Louys Robelin consierge du chasteau de ceste ville, la somme de seix escuz vingtz soulz, pour poyer les gens qui ont aide a tandre et detandre au chasteau de Lanjouan et a aultre a faire contenir .... declare par ung estat qu’il m’en a baille et la quittance de la dite somme estant au pied pour demande icelle somme luy este allouee, cy : 19 livres un sol.
[en marge :] « + ».

* « Oultre poya icelluy de Tronguidy a Pasque Bachele tonnelier et a ceux qui luy aiderent a enfermer le vin aux caves du dit Lanjouan, vingtz un solz qu’il suplye luy este alloue, pour ce : 21 sols.
[en marge :] « + ».

* « Ausy le dit Tronguidy, suivant le commandemant de mondict signeur a achatte et conduit aux escuryes, huict chartees [de] pailles et luy coustoict chaincunne, quarante soulz tournois, qui est somme ensenble quatorze livres, cy : 14 livres.
[en marge :] « + ».

* « Plus a suivant les commandementz de mondict signeur, faict paver [f°7°] les escuryes du Boscaige ou il y a cinquante toize de pave et couste chaincunne toisse une journee [ ?] salaire et fraz [ ?] vingt et deux soulz tournois qui en font la somme de six huict escuz vingts solz tournois qu’il suplye luy estre alloue et mis en rabeix, cy pour ce : 55 livres.
[en marge :] « + ».

* « Item, pour dix huict postz de boys, seix pipes seix centz de clou, qu’il a auxi faict planter ausdites escuryes, pour porter les basres et faire la separation des chevaux, pour lesquelles a poye a Thoumas Lebloy tant pour le boys que pour sa vacation, la somme de traze escuz dix sept soulz seix deniers tournois, qu’il suplye luy estre mis en decharge, cy : 39 livres 10 sols 6 deniers.
[en marge :] « + ».

* « Mesme a poye a Allain Croslest fossaieur, la somme de ... [en blanc] pour ... [en blanc] toize qu’est pour chaincunne toize de grand fossez et avecq douves ... [en blanc] et pour ... [en blanc] toize de fosse avecq douves du tour des jardrins du dit Lanjouan [f°8] quelz fossez il a faict faire par le commandement de mondict seigneur, quelles somme de ... [en blanc] il suplye luy estre alloue, cy ... [en blanc]
[en marge :] « + ».

* « Davantaige, le dit Tronguidy a par les commandement de mondict signeur et suivant le mandat que monsieur le tresorier Le Bon luy en a baille, datte du troiziesme jour de novembre mil cinq centz quattre vingtz seix, faict faire aux environs de la forest de Maroue ... [en blanc] touaizes de fossez neufz et couste chaincunne toize [de fosse ; barré] trois soulz, qui est tout ensenble la somme de ... [en blanc] que le dit de Tronguidy a poye a Rolland Despaigne et Rolland Doua fosseyeurs et suplye icelle luy estre alloue, cy : ... [en blanc].
[en marge :] « + ».

* « Plus, suyvant les dits commandement et mandat du dit tresorier Le Bon, le dit Tronguidy a faict faire aux environs du bout du Boscaige ... [en blanc] toize de fosse et cousta chaincunne toize ... [en blanc] ... qu’est en tout ... [en blanc]. [f°8°] la somme que le dict de Tronguidy suplye luy este mis en rabeix. Pour ce, cy : ... [en blanc].
[en marge :] « + ».

* « Item, demande et suplye mondict signeur, luy estre alloue et mis en decharge la somme de dix neuf livres que bailla a Jan de Stevee fourier de mondict signeur, pour poyer a Jacque Geffray, Rolland Eon et aultres faucheurs a qui le dit Stevee le pre desur les pavez et ce pour l’an mil cinq centz quattre vingt seix, cy pour ce : 19 livres.
[en marge :] « + ».

* « Mesme poya le dit de Tronguidy, en presance du dit Stevee fourier predict, a Pierre Trousart, Regne Chevallier, Jan Paillevet, Jan Hunault, Guillaume Allain, Bertrand de la Vile Huet, Margueritte des Braises [ ?], Jullien [f°9] Allain, Jullien Blocher, Pierre Bidan, Francoys Bouquin, Rolland Padet et Jan Bouslin, Jan Bottrel, Francoys Chauvet, Francoys Roze, Rolland Blanchart, Jacques Bouquin et aultres teneurs qui furent par le dit teneur enploye pour fener et enclore les foins et coustoint chaincun des dits homme par chaincun jour pour poie et pour despans, qu’est la somme de soixante et sept livres cinq soulz que icelluy Tronguidy suplye mondit signeur luy [allouer], cy pour ce : 67 livres 5 sols.
[en marge :] « + ».

* « Plus, le dict de Tronguidy a poye a Mathurin Raoult, Jan Cavet, Guillaume Roy, Rolland Gaultier et aultres chartiers qui amenerent les dits foins aux granges et escuryes du dit Boscaige et revenoict a soixante et sept chartees de foin, la somme de saze livres quinze tournois qui est pour chaincunne chertee, cinq soulz, quelle somme il suplye mondit signeur luy allouer, cy pour ce : 16 livres 15 sols.
[en marge :] « + ». [f°9°]

* « Oultre demande le dit Tronguidy et suplye mondict signeur luy meptre en rabeix cinq escuz que il a poye a Simon Gaultier, pour ung morceau de masneix qu’il fut a est... de luy et amene aulx jardrins de Lanjouan, cy : 15 livres.
[en marge :] « + ».

* « Pour ung chertier qui fut occupe quattre jours a amene les dits masneix au dit Lanjouan, le dit comptable poya sept livres, qui est trante cinq soulz pour chaincun jour de harnois, pour poies et despances des gens et chevaux et oultre leur bailla pour aller boire, sept soulz seix deniers, cy : 7 livres 7 sols 7 deniers.
[en marge :] « + ».

* « Le dit Tronguidy comptable a ausy fourny trois morceaux de masnaix qui vallent vingtz escuz, qu’il suplye mondit signeur luy allouer, pour ce : 60 livres.
[en marge :] « + ».

* « Pour lesquelles menees au dit lieu de Lanjouan, furent enployez dix huict jours de harnois ausquelles fut poye pour chaincun jour, pour poix et pour despance, parail nonbre de trante cinq soulz [f°10] tournois et pour le vin, sept soulz seix deniers, cy pour ce : 31 livres 6 deniers.
[en marge :] « + ».

* « Item, le dict Tronguidy comptable predit, poya en l’an mil cinq centz quattre vingtz seix, a Vincentz Desportes vitrier, cinq escuz pour avoir racaistre les vittres de la gallerye et chanbre de monsigneur, qui avoict este rompue a raison des grandes et grosses gresles qui tunberent au quartier de Lamballe ou dit an mil cinq centz quattre vingtz seix et a icelluy prix fut acordee avecque le dict Desportes, en presance et par avis [ ?] de monsieur l’alloue des Portes Boullye [il doit s’agir de Guillaume Bouillye sieur des Portes alloué de Lamballe] et de Louys Robelin comme couste par ung proceix verbal de luy en faict ou dit an au mois de septanbre, quelle somme le dit comptable suplye mondict signeur luy meptre en rabeix, cy : 15 livres.
[en marge :] « + ». [f°10°]

* « Le dict comptable au mois de novembre mil cinq centz quattre vingtz sept, par la commandement de madame ala a Nantes et a raison qu’il portoit saze centz escuz qui estoint tout en monnoie. Savoir de Jan Davaire [ ?] mille escuz de luy seix centz [escu ; barré] il fut contraint de mener ung homme et cheval que louaige du dit chaincun jour, cinquante cinq soulz que suplye mondit signeur luy allouer et pour ce : 25 livres.
[en marge :] « + ».

* « Pour le commandement de mondit signeur, le dit comptable a este deux voyaiges a Couet Malouan, pour le bail a ferme de la dite abaye ou luy cousta pour chaincun voyaige, trois escuz qui est seix escuz que suplye mondit signeur luy allouer et pour ce : 18 livres.
[en marge :] « + ».

* « Plus, le dit comptable, par le commandement de mondit signeur, fut ung aultre au dict Couet Malouan ou il mena de Lamballe suivant les dits commandements, maistre Jan Cades et maistre [f°11] Jan Morel pour faire inventaisre des biens qui estoint en la chanbre du prieur qui estait et est encore a presant apelle frere Guillaume Moreau, qui m’a couste tant en despance que pour salaisre et vacation des notayres, quinze escuz que le dit Tronguidy suplye mondit signeur luy allouer, cy : 45 livres.
[en marge :] « + ».

* « Item, le dit de Tronguidy comptable a baille a monsieur Bourdon argentier de madame de Martigues douesriere de Painthievre, quarante et sept livres sept soulz, pour sa despance d’avoir este en la ville de Lamballe, pour chercher et inventaisre [inventorier] les lettres servantes pour la reformation des homaige des signeuryes de Lamballe et Moncontour ou asistoint messieurs de la Cor..., de l’Estang et le dit comptable et oultre icelluy comptable et le dit comptable et oultre icelluy comptable po...a alouer desmaretz [ ?] qui auroict copye deux des dits inventaisres, soixante et cinq soulz comme du tout .. par son estat de luy signe, datte du vingt septiesme octobre mil cinq centz quattre vingtz et sept [f°11°] qu’est en tout cinquante livres traize soulz tournois qu’il suplye mondit signeur luy allouer, cy pour ce : 50 livres 13 sols.
[en marge :] « + ».

* « A... le dit de Lesmelleuct decharge de seix vingtz juict escuz, pour la levee de la non jouissance des moulins fouleretz du Pont Neuf, auquel prix il estoict ... letr.. suivant les precedant ..cy par livres, trois centz quattre vingtz quattre livres, cy : 384 livres.

* « Item, a poye le dit de Lesmelleuct a damoiselle Ysabeau Hucher et Loys Robellin consierge des chasteau de Lamballe et de la maison du Boscaige, cinq centz livres tournois, qu’est pour l’an dernier de la baillee [ ?] de leurs pentro... leur donnes par mondict signeur sellon la quictancze dattee des douzieme janvier, premier et dixiesme d’aougst en presant mil cinq centz quattre vingtz huict, cy pour ce : 100 livres tournois. [f°12]

* « Item, demande avoir icelluy de Lesmelleuc decharge de la somme de vingt seix escuz, pour la non jouissance de l’an quattre vingtz seix du pre Casac, que l’on a acoutume de faucher, qui estoit a paroille raison a ferme a la dite Hucher, duquel pre pour le dit an, la jouissance en fut faicte par mondict signeur, cy pour ce : 78 livres.

* « Oultre, demande auxi luy este mis en rabeix, la somme de vingtz seix escuz, pour trois annees des gaiges que pleu a mondit signeur de donner a Mathurin de Lesmelleuc sr de la Ville Doue, pour la solicitation des affaires a Rennes, sellond la quittance du dit de Lesmelleuct du dixiesme aougst mil cinq centz quattre vingtz sept, cy pour ce : 75 livres.

* « Plus, demandent les dits comptables, leur estre mis en rabeix et decharge de la non jouissance des pescheries des evantailles du dit lieu [f°12°] des Ponts Neufz, le temps de trois ans et demy, qui commancerent au mois de decembre mil cinq centz quattre vingtz quattre qui fut au port et co... des dits moulins et eventailles et furent le premier jour de juing dernier, qui est somme ensenble sept escuz a raison que il s’afermoint par an deux escuz, cy pour ce : 21 livres tournois.

* « Ausy les dits comptables demandent et suplye mondit seigneur luy meptre en rabeix et decharge la somme de [deux ; barré] centz escuz qui n’est que le prix a quoy se monte le prix de la dite ferme de Lamballe, eu egart au grant du dict bail sans comprandre les charges et adventures de fiefz de ce, pour les deux jours du retranchement du temps advenu en l’an mil cinq centz quattre vingtz durant leur dite ferme, cy pour ce : 300 livres tournois. [f°13]

* « Plus, les dits comptables demandent et suplye leur estre mis en rabeix et decharge quatre levees escheues des le premier jour de janvier dernier, de vingtz soulz monnoie, deux chapons et unne poulle deus par chaincun an, par Pierre Helo et Pesrine Bouessart sa femme qui allzo... d’avoir alaicte madame, ensenble pour les dites quattre levees, savoir par deniers, quattre livres monnoie saze soulz tournois ; par chapons, huict et par poulles, quattre, cy : 4 livres 16 solz ; 8 chapons ; 4 poulles.

* « Du paroil et pour paroil temps de quattre ans, suplient les dits comptables leur estre mis en decharge et rabeix par chaincun dict an, la somme de cent soulz monnoie faisant seix livres tournois et par chapons, ung, que Madelaine Lecompte et fille enfant de feu Bigou doibvent par chaincun an de rente a mondit signeur, qui est pour les dits quattre ans, vingtz livres par deniers et par chappons, quattre, cy : 24 livres tournois ; 4 chapons. [f°13°]

* « Item, les dits comptables demandent a mondit signeur, qua par le conte d’eux tenu a monsieur Le Bon .... le septiesme septembre mil cinq centz quattre vingtz quattre et a fair le douziesme du dit mois il ne auroict este employe en la despance du dit compte ny faict aucun aprecy de vingt ung chapons et sept poulles leur resta et d... pour les raisons y tenir en deux articles de la despance du dit compte estant escripte au feillet cotte unziesme tiers article du dit feillet sur cotte et prochain ... article follio verso. Desquelz vingtz ung chapon et sept poulles il suplye leur en estre faict allouement en la dite decharge au prix chaincun chapon, de spet qsoulz seix deniers et pour chaincune poulle, cinq soulz, cy : 9 livres 12 sols 6 deniers.

* « Auxy vours remonte le dit de Lesmelleuct, que il auroict este contrainct refaire tout neuf le four ou l’on [f°14] cuist le pain au grand four a ban de ceste ville, pour lequel faire luy a couste la somme de quattre vingtz escuz, qu’il suplye luy estre allouee et misse en decharge icelle redification faicte suivant et aux fins du proceis verbal et information qu’il presente soubz cest article, cy : 240 livres tournois.

[Signature :] R. Mahe procureur de damoiselle Jeanne Bricquet veuve du dict Tronguidy.

1588-1592 Ports et havres ; Moncontour ; Lamballe ; Abbaye de Coat Malouen

Compte des recettes faites par Olivier de Tronguidy [décédé ; décès entre septembre 1587 et septembre 1594], receveur général du duché de Penthièvre, pour cinq années commencées le 29 août 1588 et finissant à pareil jour de 1592, où figurent les recettes du produit des fermes des ports et havres situés entre Couesnon et Arguenon, des seigneuries de Moncontour, de Lamballe et de l’abbaye de Couet Malouen. Ce compte, présenté par sa veuve Jeanne Bricquet, le 18 septembre 1594, existe en deux exemplaires dont l’original est signé de Marie de Luxembourg qui était présente ainsi que Guy de Lesmeleuc le procureur fiscal de Lamballe ainsi que Louis Péchin secrétaire du duc de Mercoeur ; pour l’occasion Roland Mahé, notaire et gendre de Marie Briquet était son procureur. Ce document précise qu’Olivier de Tronguidy fut nommé à cette recette en tant que receveur général du duché de Penthièvre, par lettres patentes du 29 août 1587 [ [A.D.22, 1 E-26, 2 pièces papier ; l’original présentant 5 feuillets numérotés à l’ancienne et la copie, 4 feuillets à numérotation moderne]. Par convenance personnelle nous avons transcrit la copie.

« Compte que damoiselle Janne Briquet veufve de feu Ollivier de Tronguidy receveur general du duche de Penthevre, tant en son nom que tutrixe des enffans du dit deffunct d’elle rend a Monseigneur le duc de Mercueur et de Penthevre, prince du St Empire et de Martigues, gouverneur de Bretaigne, des recepte et despence faicte par le dict deffunct a cause de sa dite charge durant le temps de cinq ans qui ont commance le vingt neufiesme jour d’augst l’an mil cinq cens quatre vingt sept et finy a pareil mil cinq cens quatre vingtz douze ainsy que sera cy apres declare. Premier :
[en marge : « 6ème octobre 94 ; Recepte generalle de Lamballe pour cinq annees commancees le 29ème d’aoust 1587 et finye a pareil jour 92.
Presante par le dite Bricquet le 18ème septembre 1594.
Le dit Tronguidy a este pourveu par monseigneur du dit estat de receveur general de tous les deniers ordinaires et extraordinaires du dit duche de Penthevre par lettres patentes de provision du vingt neufviesme jour d’aoust 1587 publyees et registrees en la court du duche de Penthevre au siege de Lamballe, le 17ème septembre au dit an.
Elle a rendu sur le con,te de la ferme de la seigneurie de Lamballe des deux ans et demy finis a Nouel 1580 clos ce jour, une procuration par elle baillee et consentie a Me Rolland Mahe son gendre, pour assister a l’examen et closture tant du dit compte que du present et aultre par elle presente a Madame de la dite ferme d’icelle seigneurie »].

Recepte

* « Se charge la dite Briquet comptable, de ce que le dict deffunct Tronguidy auroict receu de Jan Le Breton capitaine Launay fermier des dits portz et havres d’entre Couesnon et Arguenon, pour la demye annee escheue au terme de Noel mil cinq cens quatre vingtz sept, la somme de six cens trante troys escuz ung tiers revenant a la somme de dix neuf cens livres tournois, cy : 633 ecus un tiers ; 5700 livres.
[en marge : « Cette recepte est acceptee a son raport pour ce qu’il n’aparoist la ferme et en est neantmoinz recharge pour quatre annees et demye du temps de ce compte, de la somme de cinq mil sep cens escuz qui est a la mesme raison qu’il faict recepte sauf a le recharger cy estre doit, la ferme veue »].

* « Item, la dite comptable faict charge de la somme de mil escuz escheu par le dit deffunct de Tronguidy, de Robert de Lislle [Note personnelle : sur l’original, cet nom est barré au profit de Deliz] de la Lande Fermier de la terre et seigneurie [de] Moncontour, cy : 9 écus.
[en marge :] « Ne faict aparoir de la la ferme, toutefoys le sieur de Lestang procureur fiscal de Lamballe dict la dite ferme avoir este faicte pour 1400 escuz par an, au moyen de quoy il est charge de quatre mil escuz sauf a le recharger de plus grande somme sy estre doibt, la dite ferme veue.
Cy apres il faict recepte de 600 escuz soubz le nom du dit Delile sur ce qu’il debvoyt a cause de la dite ferme, laquelle a este rayee au moyen de ceste recharge ». [f°1°]

Mises, paymentz et acquictz

* « La dite Briquet comptable suplye mondit seigneur luy mettre en rabayx et descharge la somme de trois mil deux cens escuz payee par le dit deffunct Tronguidy, a Francoys de Bruc sieur de Guilliers, par le commandement de Madame, par misive dattee du vingtz troisiesme jour de decembre mil cinq cens quatre vingtz sept, lequel avoit paye la dite somme a madite date pour le dit deffuct Tronguidy, comme couste par quittance du vin[gt] huictiesme janvier mil cinq cens 88, cy : 3200 écus.
[en marge :] « Il rend unne quitance du recepise de Madame du dit jour de la dite somme de 3200 escuz, qu’elle receut par les mains du dit de Bruc, le dit 28ème janvier 1588 ».

* « Item, demende luy estre alloue et passe en mise la somme de six vingtz escuz par le dit deffunct Tronguidy desbourcer pour l’aquest par luy faict pour mondit seigneur, de Jan Le Viconte sieur de la Ville Vollete, des fiefz de Fumelect, le Comte, la Ville Hameon, le Buchon Videlou et autres mentionnez par le dit comtract, sittue[z] en la paroisse de Hillion, comme couste plus emplement par le dit contract, datte du neufviesme jour de decembre mil 5 cens quatre vingtz sept, cy : [120 écus ; somme barrée].
[en marge :] « Le dit acquest est faict en l’an mil 5 cens 87 et partant doibt encor au compte du dit temps de la ferme de la seigneurye de Lamballe sur lequel luy en sera faict raison, raportant le contrat et contenu du revenu des choses acquises depuis le dit contrct finy a la sainct Jan mil 5 cens 94 que sa derniere ferme a finy et a ceste occasion est cy randu ». [f°3 ; erreur de numérotation passe de 1° à 3 sans le 2]

* « Item, suplye la dite comptable mondit seigneur luy allouer et mettre en descharge la somme de deux escuz ung tiers, qu’il a couste pour retirer le dit contrat de Jan Morel et Jan Gades [Cades] noteres raporteurs diceluy, cy : [2 écus 20 sols ; somme barrée].
[en marge :] « Comme le present rayee ».

* « Plus, demande la dite comptable, qu’il plaize a mondict seigneur luy allouer et passer en despence, la somme de vingtz escuz, revenant a soixante livres payees par le dit deffunct Tronguidy, a Jan Perin mary et procureur d’Alliette Begasse, pour l’acquist faict pour mondit seigneur, du petit pre qui faict partye du pre du moulin apartenant a mondit seigneur, comme couste par contract du vingtz deuxiesme jour de septembre mil 5 cens quatre vingtz sept, cy : [20 écus ; somme barrée].
[en marge :] « Il doibt entrer comme au precedent acquest au compte de la seigneurye de Lamballe, duquel luy en sera faict raison, raportant le contract et contant des fruictz des levees ».

* « Aussy, demende la dite comptable, luy passe en mise un escuz et demy paye aux noteres raporteur du dit contract, cy : [un écu 30 sols ; somme barrée].
[en marge :] « De mesme que le precedant ».

* « Item, demende la dite comptable, allouement de la somme de trante escuz payee par le dit deffunct Tronguidy, par commandement de madame, a Jacques de Carmene sieur du Gue procureur fiscal en la jurisdiction de Moncontour, suivant la quittance estant au pied du dit commandement, datte du septiesme de janvier mil 5 cens quatre vingtz huict, pour ce, cy : [30 écus ; somme barrée].
[en marge :] « Il n’a faict aparoir d’ordonnance ne quictance, au moyen de quoy la partye est rayee sauf a luy en faire raison, raportant les dites ordonnance et qt quictance ». [f°3°]

* « Plus auroit le dit deffunct de Tronguidy payé a ... [en blanc] Le Bon tresorier et secretaire de monseigneur, la somme de deux cens trente huict escuz et demy, pour la vante des boys de la forest de Maroue et du Bocaige, comme couste par les acquictz obtenuz du dit Le Bon estant a pied de chacune des dites vantes, dattee des dix neufiesme feubvrier et trezeiesme may mil 5 cens quatre vingtz et huict, cy : [138 écus 30 sols ; somme barrée].
[en marge :] « Il ne faict aparoir des dites vantes ne quictances, au moyen de quoy est la partie rayee sauf a luy en faire raison aparoissant les dites quictances ».

* « Et d’aultant que la dite comptable en la charge du presant compte auroict faict charge seullement avoir le dit deffunct Tronguidy receu de Jan Le Breton capitaine Launay fermier des portz et havres d’antre Couaisnon et Erguenon, la somme de six cens trente et trois escuz ung tiers pour la demye annee escheue au terme de Noel mil cinq cens 97 ce neanlmointz auroit este la dite comptable rechargee du pris de la die ferme, pour les ans mil 5 cens 88, 89, 90, 91 et pourl a demye annee escheue au jour et feste de monsieur saint Jan et dabte mil 5 cens 92 qui sont quatre annees que la dite comptable n’a peu recepvoir du dit Le Breton a rayson des guerres qui sont survenues en ce pays et de la somme de 5 mil 7 cens escuz, le dit Le Breton est encore debiteur et d’icelle somme suplie la dite comptable estre dechargee, cy : 5700 écus.
[en marge :] « La dite comptable est rechargee au premier feillet de ce conte de la dite somme qui luy est cy passee par deport et souffrance jusques a ung an pendant lequel faisant aparoir que la dite somme de 5700 escuz ayt este payee au sr Bourdereul tresorier de la Maison de Monseigneur ou a autre, par commandement et ordonnance de mondit seigneur luy sera faict droict ». [f°4]

* « Comme paroillement la dite comptable n’auroit faict charge que de la somme de mil escuz par le dit feu Tronguidy, receue de Robert de Lislle [Note personnelle : sur l’original, Delis], sr de la Lande, a valoir sur le pris de la ferme de la terre et seigneurie de Moncontour, de laquelle le dit Delis estoit fermier au pris de quatorze cens escuz par an, au raport qu’en a faict Me Guy de Lesmeleuc sr de L’Estang procureur fiscal de la jurisdiction de Lamballe, auroit este du pris de la dite ferme, la dite comptable rechargee de la somme de quatre mil escuz pour le reste et parfaict payement de cinq annees et parfaictes cueillette du pris de la dite ferme, de laquelle la dite comptable n’auroit peu recepvoir du dit Delis d’autant qu’il tient du party contraire mesme la ville de Moncontour ou le dit Delis faict sa continuelle demeure est pocedee du party du Roy de Navare, au moyen de quoy la dite comptable suplie estre dechargee de la dite somme de quatre mil escuz. Pour ce : 4000 écus.
[en marge :] « Comme pareillement cette partye luy est tenue en souffrance jusques a ung an ainsi et pour pareilles cause que la precedante ».

* « N’auroit en pareil la dite comptable, faict charge avoir le dit deffunct Tronguidy receu seullement de Jan Le Bottee fermier des greffes de la jurisdiction de Moncontour, que de la somme de trois cens trente trois escuz ung tiers, pour une annee de la dite ferme, ce neanlmoing auroit este la dite comptable oultre rechargee de quatre autre annees du pris de la dite ferme, revenant a la somme de treze cens trente et trois escuz ung tiers, de laquelle somme la dite comptable n’auroit faict accepte du dit Le Botte d’aultant que la dite ville de Moncontour a este au dit temps et est encor [f°4°] a presant tenue et pocedee du party du Roy de Navare, au moyen de quoy suplie la dite comptable estre dechargee de la dite somme, cy : 1333 écus un tiers.
[en marge au bas du folio 4 :] « Ainsi et pour pareilles causes que les deux precedantes, ceste partye luy est tenue en soufrance ».

* « Comme en pareil, la dite comptable, le dit cmptable par son dit compte n’auroit faict charge que de la somme de mil escuz par le dit deffunct Tronguidy receue de Jan Damas fermier de la baye [abbaye] Couet Maulan, pour une annee et quillette [cueillette] seullement ce neanlmoingz avoir este la dite comptable oultre rechargee de quatre annee de demye du pris de la dite ferme, qui reviennent a rauyson de deux mil escuz par an, a 900 escuz que la ditye comptable n’auroit receue tant a cause des guerres que de du decex du dit Damas longtemps y a, de laquelle somme de neuf mil escuz quplie la dite comptable avoir descharge, cy : 9000 écus.
[en marge :] « En soufrance d’un an ainsi et pour pareilles causes que les trois precedantes ».

* « Et d’aultant qu’il a pleu a mondit seigneur, par ses lettres de provision diu 29ème augt [août] mil 5 cens 87, de a recepte generalle du duche de Penthevre concedee au dit feu Tronguidy, luy estre poye par chacun an, vin gt quatre escuz qui revient pour le temps de cinq ans, a six vingtz escuz, quelle somme suplie la dite comptable luy estre passee et allouee en decharge et pour ce, cy : [120 écus ; somme barrée].
[en marge :] « Par les lettres de provision du dit feu Tronguidy, les dits gaiges sont assignez sur les deniers extraordinaires dont in n’est faict aucune recete en ce compte, au moyen de quoy luy est la partye rayee sauf a en faire raison sur les dits deniers extraordinaires ou il en fera recete et pour cinq annees seullement qu’il a exerce la dite charge ».

* « A raison de quoy la dite comptable a cy devant pris charge de la somme de 1200 escuz consignee au dit feu Tronguidy pour le rembourcement du retroict feodal faict par Monseigneur, du fie de Peillac et de l’Argentay par avant acquis par le sr de la Garde Crafault. Il en est cy faict despence pour ce que la dite somme est deue et doibt estre remboursee au moyen du dit retraict au dit sr de la Garde Crafault dont quictance est cy randue, signe de ... [en blanc], en datte du ... [en blanc] jour de ... [en blanc] 158. [en blanc]. Et pour ce, cy : 1200 écus.
[en marge :] « N’aparoist l’acte de retraict des dits fiefs neantmoing la partye est tenue en soufrance jusques a ung an pendant lequel portera le dit acte de retraict deument execute ». [f°5]

Despence commune

« Suplye la dite comptable luy estre cy passee pour la facon d’escripture du presant compte, double et minute et a l’inssistance [ ! sic ; assistance au compte original] d’elle, de son conseil a l’audition et examen dicelluy, telle somme raysonable qu’il plaira a Monseigneur [à l’original est rajouté : « pour trois voyasges ausquelz a demeure l’ung de ses filz et une chambriere l’espace de quatre moys »] : 104 écus.
[en marge :] « Il luy est cy passe pour la faczon et redaction du conte, quatre escuz et pour les voiaiges par elle faictz, Madame luy a ordonne par forme de don ayant esgard a sa quallite de veuve et aux services de son deffunct mary, cent escuz sans que nul autre le puisse tirer a consequence, qui sont cent quatre escuz en tout ».

Somme de la despence du presant compte : 3304 écus.
Et la recepte monte : 24438 écus 30 sols.
Debvoit la comptable : 21134 écus 30 sols.
Mais il luy est tenu en souffrance et deport jusques a ung an en plusieurs parties : 21233 écus 20 sous.
Lesquelles parties restablyes, luy sera deu 98 écus 50 sols qui luy seront payees par Me Joseph Bordereul tresorier et receveur general de la Maison de Monseigneur qu’Anthoine de la Place son commis, apres qu’elle aura faict restablir les parties qui luy sont tenues en souffrance et deport.

Ce conte veu, examyne, clos et arreste avec la dite Bricquet contable et Me Roland Mahé son gendre et procureur, par nous Georges Morin sr du Chapeau, intendanr general des afaires de la Maison de Mondit Seigneur, Loy[s] Pechin son secretere et Guy de Lesmeleuc procureur fiscal du dit Lamballe, Madame presente, le sixiesme jour de octobre mil 5 cens 94, signe Marie de Luxembourg, Morin, Pechin, de Lesmeleuc et Mahé.
Collationne a l’original du dit conte. Signature Morin.